အယုဒ္ဓယကို မြန်မာ့လက်အောက်မှ လွတ်မြောက်စေသူ


၁၇၆၇ ဧပြီလ ၇ ရက်နေ့ တွင် မြန်မာတို့သည် အယုဒ္ဓယမြို့ကို ဥမင်ကြီးများတူး၍ ထိုးဖောက်ဝင်ရောက်ကာ အောင်မြင်စွာ သိမ်းပိုက်နိုင်ခဲ့သည်။

အထူးထူးသော နန်းစဉ်ရတနာများ၊ ကျောက်သံ ရွှေငွေ၊ ဆင်မြင်းလူသူများ အများအပြားကို မြန်မာတို့ ရရှိကြသည်။

အယုဒ္ဓယ ဘုရင်ကိုပင် ပြန်လည်နန်းတင်မည် ကြံသော်လည်း ဘုရင်မှာ လက်နက်သင့်၍ကွယ်လွန်ပြီးဖြစ်သဖြင့် မြန်မာတို့က ကောင်းစွာသဂြိုလ် ပေးခဲ့သည်။

အယုဒ္ဓယ မြိ်ု့စောင့်တပ်အဖြစ် မွန်စစ်သူကြီး စုကီ နှင့် ဗမာဗိုလ်မှူး မောင်ရ တို့ကို ခန့်အပ်ခဲ့ကာ မြန်မာတို့ တပ်ပြန်ဆုတ်ခဲ့ကြသည်။ ( မန်ချူး တရုတ်စစ်ကလည်း ပေါ်ပေါက်နေချိန် ဖြစ်သည် )

အယုဒ္ဓယကား နာလန်မထူနိုင်တော့သော်လည်း တော်ဝင်မင်းသား ငါးပါးက ပြည်နယ်ငါးခုတွင် အသီးသီး ဗိုလ်ဝင်ခံကြသည်။ ( အချင်းချင်းစည်းလုံးရန်ကိုမူ မကြိုးစားကြဘဲ မိမိ နန်းရရေးသာ ဦးတည်ကြသဖြင့် မြန်မာကိုတော်လှန်နိုင်သော အင်အားစု တစ်ရပ် ဖြစ်မလာခဲ့ပေ )

ထိုအခြေအနေတွင် တရုတ်ကပြား ဖရာ့တက်ဆင်သည် မိမိသည်လည်း မင်းသားတစ်ပါးဖြစ်ကြောင်း ၀ါဒဖြန့်ကာ နောက်လိုက်များနှင့်တကွ အယုဒ္ဓယကို သိမ်းယူရန်ကြံစည်သည်။

မြန်မာရာဇ၀င်တွင် ၄င်းကို ဗြတက်သေဉ် ဟု မှတ်တမ်းတင်ထားသည်ကို တွေ့ရသည်။

သူသည် ပြိုင်ဘက် ဟူသမျှကို သတ်ခဲ့သည် ချည်းသာဖြစ်သည်။ မင်းသားများနှင့်တကွ မွန်စစ်သူကြီး စုကီကို ပါ တိုက်ခိုက်ချေမှုန်း နိုင်ခဲ့သည်။

ပြိုင်ဘက်ကင်း စစ်သူကြီး ဖြစ်လာသောအခါ မင်းအဖြစ် ဘိသိက်ခံရန် အယုဒ္ဓယကို ကြည့်သောအခါ ပြာပုံ အုတ်ပုံ အဖြစ်သာတွေ့ရတော့သည်။

ထိုအခါ ထုံဗူရီ တွင် နေပြည်တော်သစ်တည်ကာ ဘိသိက်ခံသည်။ ( မြန်မာတို့ကလည်း လာရောက်ကာ တိုက်ခိုက်နေသောကြောင့် မြို့ကို အမြန်တည်ရသည်။ အယုဒ္ဓယမှ အုတ်ကျိုးအုတ်ပဲ့များ အပြိုအပျက်များ ကို ယူကာတည်သဖြင့် မြို့ပျက်ကြီးမှာ ပို၍ ပျက်စီးရသည်။ နောက်မှသာ အယုဒ္ဓယသည် ဤသို့ဤနှယ်ပျက်စီးရသည်ဟု မြန်မာတို့ကို ပိုပိုသာသာ အပြစ်ပုံချကြသည် )

မည်သို့ပင်ဆိုစေ မြန်မာတို့အား အောင်မြင်စွာ တော်လှန်နိုင်သဖြင့် ယိုးဒယားပြည်သူတို့က ဖရာ့တက်ဆင် ကို လေးစားကြည်ညိုကြသည်။

ထိုစဉ် မြန်မာဘက်၌ စဥ့်ကူးမင်း နန်းတက်လာသည်။ အယုဒ္ဓယတွင် တိုက်နေသော စစ်သူကြီး မဟာသီဟသူရ ကို ပြန်၍ခေါ်သည်။

မဟာသီဟသူရက ယိုးဒယားဗိုလ်ချုပ် ချက္ကရီကို စစ်ရေးစစ်ရာများ အပြီးသတ် ပြောကြားရန် ဖိတ်ခေါ်သည်။

နှစ်ဘက်တပ်များ မျက်နှာချင်းဆိုင်တွေ့သော အခါ စစ်သူကြီး နှစ်ဦးသား စကားပြောကြသည်။ လက်ဆောင်ပဏ္ဏာများလည်း လဲလှယ်ကြသည်။ မဟာသီဟသူရက နောက်ဆုံးအနေဖြင့် စကားတစ်ခွန်းပြောခဲ့သည်။

" သင်ကား မင်းဖြစ်ထိုက်သော ဥပဓိ ရှိသူဖြစ်သည်။ ကိုယ့်ကိုယ်ကို စောင့်ရှောက်ပါဘိ "

ချက္ကရီသည် ထိုစကားကို ကြားပြီးသော အခါ စိတ်ဓါတ်ပြောင်းသွားသည်။ မြန်မာတို့ ပြန်၍ လပိုင်းမျှ ကြာလျှင် ဘုရင် ဖရာ့တက်ဆင် ကို စိတ်ဖောက်ပြန် သည်ဟူသော အကြောင်း ပြချက်ဖြင့် နန်းချကာ အာဏာသိမ်းတော့သည်။

ဗြတက်ဆင်က ရဟန်းပြုခွင့်တောင်းသော်လည်း လက်မခံဘဲ သူသတ်တို့ လက်သို့အပ်ကာ ကွပ်မျက်စေသည်။

( ယိုးဒယားမှတ်တမ်းများကမူ ဖရာ့တက်ဆင် ကိုသူသတ်တို့ ဆွဲခေါ်သွားသောအခါ ချက္ကရီသည် မျက်ရည်ကျလျက်ရှိသည်ဆို၏။ အကြောင်းမှာ တက်ဆင်က မိမိကို ချက္ကရီနှင့် ခေတ္တမျှ တွေ့ခွင့်ပေးပါရန် အော်ဟစ်တောင်းဆိုကာ ငိုယိုနေသောကြောင့် ဟုဆို၏။)

ဖရာ့တက်ဆင်ကား နိုင်ငံကို မြန်မာ့လက်အောက်မှ လွတ်မြောက်စေခဲ့သော်လည်း အတွင်းလူချင်း ကိုမူကား မအောင်မြင်နိုင်ခဲ့ပါချေ။

( ထိုအချိန်မှ စ၍ ယိုးဒယားနိုင်ငံကို ချက္ကရီ မင်းဆက် စတင်အုပ်ချုပ်သည်။ ရာမ ဘွဲ့ကို ခံယူကြသည်။ လက်ရှိ ထိုင်းဘုရင်သည် ကိုးဆက်မြောက် ချက္ကရီမင်း ဖြစ်သည်။ )

( ပုံကို http://commons.wikimedia.org/ မှ ယူပြီး စာစီသူမှာ ကြောင်ကိုယ်တိုင်သာ ဖြစ်ပါကြောင်း ~_^ )
ပဉ္စမံကြောင်
Powered by Blogger.