အန်အယ်လ်ဒီ တပါတီတည်းနဲ့ အစိုးရဖွဲ့နိုင်ပြီ



ရွေးကောက်ပွဲကော်မရှင်က ရွေးကောက်ပွဲရလဒ် ၈၂ ရာခိုင်နှုန်းကျော် ထုတ်ပြန်ကြေညာအပြီးမှာ အမျိုးသားဒီမိုကရေစီအဖွဲ့ချုပ်က အမျိုးသားလွှတ်တော်တွင် ကိုယ်စားလှယ် ၁၁၀ ဦးနဲ့ ပြည်သူ့လွှတ်တော်တွင် ၂၃၈ ဦး အနိုင်ရနေပြီဖြစ်ပါတယ်။

အမျိုးသားဒီမိုကရေစီ အဖွဲ့ချုပ်ဟာ လွှတ်တော်နှစ်ရပ်ပေါင်း အနိုင်ရကိုယ်စားလှယ် စုစုပေါင်း ၃၄၈ ဦး ရှိနေပြီ ဖြစ်တာကြောင့် ပြည်ထောင်စု လွှတ်တော်မှာ အစိုးရဖွဲ့ရန် လိုအပ်တဲ့ ကိုယ်စားလှယ်ထက် ကျော်လွန်သွားပြီ ဖြစ်ပါတယ်။

အစိုးရဖွဲ့ရန်  ပြည်ထောင်စု လွှတ်တော်မှာ ကိုယ်စားလှယ် (၃၂၉) ဦး လိုအပ်တာ ဖြစ်ပါတယ်။

ပြည်ထောင်စု ရွေးကောက်ပွဲ ကော်မရှင်က  နိုဝင်ဘာ ၁၃ ရက်၊ ယနေ့ နေ့လည် ၁၂ နာရီအချိန်တွင် ပြည်သူ့လွှတ်တော်အတွက် ၂၄ နေရာ ထုတ်ပြန်ကြေညာခဲ့ရာမှာ အန်အယ်လ်ဒီက ၂၁ နေရာ၊ ရခုိုင်အမျိုးသားပါတီက ၃ နေရာ အနိုင်ရရှိခဲ့ပါတယ်။


Powered by Blogger.