အမျိုးသမီး သုဘရာဇာ


 အနီရောင်ကနုတ်ပန်းကတ္တီပါစောင်နဲ့ ပတ်ထားတဲ့ အသက်
၉၀ ကျော်အရွယ် အဘွားအိုရဲ့ ရုပ်ကလာဒ်ကို လက်နှစ်ဖက်ကနေ သေချာစုကိုင်ကာ
ထင်းတွေဖြန့်ခင်းထားတဲ့မီးသဂြိုလ်စက်အတွင်းကိုထည့်ဖို့ အသက် ၄၀ အရွယ်
အမျိုး သမီးတဦးနဲ့ အမျိုးသား ၄ ဦးတို့ ကြိုးစားနေကြပါတယ်။
“ကျမအထဲဝင်ပြီး ဆွဲယူလိုက်မယ်”လို့ အသက် ၄၀ ဝန်းကျင် မကြည်ကြည်ဝင်းက
ပြောရင်း မီးသဂြိုလ်စက်အတွင်းကို အလောင်းဘေးကနေ
ခက်ခက်ခဲခဲခါးကိုင်းကာဝင်သွားပါတယ်။
တခြားအမျိုးသားတွေက တားဆီးပေမယ့်လည်း သူကမမူပါဘူး။မီးသဂြိုလ်စက်အတွင်းကနေ
အ လောင်းရဲ့ ဦးခေါင်းပိုင်းကို ဖြေးဖြေးမရင်း
သူစိတ်ကြိုက်အနေအထားဖြစ်အောင် သုံးမီနစ်ခန့်ပြင်ဆင်ပြီး ပြန်ဆင်းလာပါတယ်။
အဲဒီနောက် ရေနံဆီအနည်းငယ်လောင်းကာ တထွာလောက်ရှိတဲ့ အဝတ်စကို မီးရှို့ကာ
မီးသဂြိုလ်စက်အတွင်းထည့်သွင်းကာ တံခါးကို ဖြေးဖြေးချင်း
ကြပ်အောင်ပိတ်လိုက်ပါတယ်။
“အရင်က ကျမအမျိုးသားလုပ်တာ သူရှိတုန်းကဆိုရင် ကျမတို့ သားအမိတွေကို
အိမ်ပြင်တောင်မထွက်ခိုင်းဘူး သူတယောက် တည်းပဲ လုပ်တာ”လို့ မကြည်ကြည်ဝင်းက
ပြောပါတယ်
သူအမျိုးသားကွယ်လွန်ပြီးတာငါးနှစ်ရှိပြီးဖြစ်ပြီး
အမျိုးသမီးတစ်ဦးဖြစ်ပေမယ့် သုဘရာဇာလုပ်ငန်းကို လုပ်ကိုင်နေတာဟာ ၇
နှစ်ခန့်ရှိနေပြီဖြစ်ပါတယ်။ သူတို့မိသားစု ဟာ သုသာန်ထဲက တဲသာသာ
အိမ်လေးမှာ နေထိုင်ကြတာပါ။
သူတို့မိသားစုနေထိုင်တဲ့ သုသာန်ဟာ ပခုက္ကူမြို့လယ်ရှိ ဆေးရုံကနေ
သုံးမိုင်အကွာအဝေးမှာတည်ရှိတာကြောင့် သုံးမိုင် ကုန်းသုသာန်လို့
လူသိများပါတယ်။ ပခုက္ကူကနေ မြိုင်ကိုသွားတဲ့ ကားလမ်းဘေးမှာရှိပါတယ်။
သုဘရာဇာမျိုးရိုး
မကြည်ကြည်ဝင်းဟာ ရေစကြိုမြို့သူ ဖြစ်ပြီး လယ်ပိုင် ယာပိုင်
အလယ်အလတ်တန်းစားမိသားစုကမွေးဖွားလာသူပါ။ သူရဲ့ အမျိုးသား ဟာ ရေစကြိုမြို့
ဆန်ပွဲရုံမှာ အလုပ်လုပ်ရင်းတွေ့ဆုံခဲ့တဲ့နောက် ပခုက္ကူကိုရွေ
့ပြောင်းလာခဲ့ပါတယ်။
“ကျမပခုက္ကူစရောက်တော့ အမျိုးသားက သူအိမ်မှာ မထားဘူး သူရဲ့
သူငယ်ချင်းတွေအိမ်မှာ လည့်ပတ်ပြီးထားခဲ့တာ ကျမ အဲဒီလို
တနှစ်နီးပါးလောက်နေခဲ့ရတယ်”လို့ သူက ပြောပါတယ်။
သူအမျိုးသားရဲ့ဖခင်ရဲ့အသက်မွေးဝမ်းကျောင်းလုပ်ငန်းနဲ့ပတ်သတ်လို့ဖုံးကွယ်ထားခံရပြီး
ဘေးပတ်ဝင်းကျင်က လူတွေ ပြောမှ အဖြစ်မှန်ကို
မကြည်ကြည်ဝင်းသိခဲ့ရပါတယ်။သူအမျိုးသားရဲ့ ဖခင်ဟာ လူတကာက ရှောင်ဖယ်ကျတဲ့
မင်္ဂလာမရှိဘူးလို့နှာခေါင်းရူံ့ကျတဲ့ သုဘရာဇာအလုပ် ကိုလုပ်ကိုင်သူပါ။
“အရင်က သူတို့ဒီလုပ်ငန်းလုပ်ကြတာ ကျမမသိဘူး သားကြီးကိုယ်ဝန်ရှိတဲ့
အချိန်မှာ ကျမစသိခဲ့တယ် ဘာပဲဖြစ်ဖြစ် ရောက်ရာဘဝမှာ ကျရာ အလုပ်ကို
လုပ်ကိုင်မယ်ဆိုတဲ့ စိတ်နဲ့ လုပ်ခဲ့တယ် ဒီအလုပ်ကလည်းရိုးရိုးသားသား
ရှာဖွေစား သောက်တဲ့ သမာအာဇီဝအလုပ်ပဲလို့ ဖြေသိမ့်နိုင်ခဲ့တယ်”လို့ သူက
ဆိုပါတယ်။
သူဘယ်လိုပဲဖြေသိမ့်ပါစေ မကြည်ကြည်ဝင်းရဲ့ အိမ်ထောင်သည်ဘ၀ဟာ မျက်ရည်တွေနဲ့
ခက်ခဲကြမ်းတမ်းခဲ့ပါတယ်။ လက်ထပ်ပြီးမကြာခင်မှာပဲ ယောက်ကျားဖြစ်သူက
အရက်သေစာကိုအလွန် အကျွံသောက်သူအဖြစ်ပြောင်းလဲသွားပါတယ်။
“ကျမတို့ဟာ ပုံမှန်ဆိုရင်တော့ မလုပ်ဖြစ်လောက်ဘူး ယောက္ခမနဲ့ ပတ်သက်တဲ့
ပုဂိုလ်ရေးခံစားချက်တွေကြောင့်ပါ ကျမက အမေမရှိတော့ ယောက္ခမကို အမေလို
သဘောထားခဲ့တာပါ ဒါပေမယ့် ယောက္ခမရဲ့ သွေးထိုးမှုကြောင့် ကျမဟာ ယောကျာင်္း
ရိုက်နှက်မှုကို အမြဲခံစားရတယ်”လို့ သူက စီးကျလာတဲ့ မျက်ရည်တွေကို လက်နဲ့
သုတ်ရင်းပြောပါတယ်။
သူများအိမ်ဝိုင်းထဲမှာ ကုတင်တလုံးစာနေရာလေးမှာ မိုးမလုံတဲ့ နေရာလေးမှာ
သားသမီးတွေနဲ့ မကြည်ကြည်ဝင်းနေခဲ့ရပါတယ်။
ယောက်ကျားဖြစ်သူကတော့သူကမိဘအိမ်မှာပဲနေထိုင်ပြီးသူတို့မိသားစုရဲ့
အိမ်ကိုမပြန်တာများပါတယ်။
“ကျမတို့ ထမင်းမစားပဲနေခဲ့ရတဲ့ ရက်တွေက အများကြီးပါ။ ရပ်ကွက်တွေထဲက
အိမ်တွေမှာ ကျမတို့ ဝမ်းစာနဲ့ ကလေးတွေကို ကျောင်းထားဖို့
စရိတ်ပဲပေးပါဆိုပြီးအဝတ်လျှော်တယ် သားသမီး တွေကို ကျမရှာကျွေးတယ်
ကျောင်းထား ပေးတယ်”လို့ မျက်လုံးတွေနီလာပြီး မျက်ရည်မကျအောင်ထိန်း ကာ
မကြည်ကြည် ဝင်းက ပြောပါတယ်။
၂၀၀၃ ခုနှစ်စပြီး အိမ်တကာမှာ အဝတ်လိုက်လျောက်ကာ
ကိုယ့်ဝမ်းကိုယ်ကျောင်းခဲ့ပါတယ်။၂၀၀၇ ခုနှစ်မှာ
မကြည်ကြည်ဝင်းတို့မိသားစုဟာ ယောက္ခ တွေဆီကနေ သုဘရာဇာအလုပ်ကို
လွဲပြောင်းရယူပြီး လုပ်ကိုင်ခဲ့ပါတယ်။
“တခါတလေ သူစိတ်ကောင်းဝင်ချိန်မှာတော့ သားသမီးတွေက ပညာသင်နေတော့
ဒီလုပ်ငန်းလုပ်တယ်ဆိုရင် သူများ တွေနှိမ့်ချမှာစိုးလို့ အသုဘချလာရင်
အကုန်လုံးကို အပြင်မထွက်ခိုင်းဘူး သူက ယောကျာင်္းဘာမှ
မဖြစ်ဘူးဆိုတာမျိုးလည်ှးရှိ တတ်တယ်”လို့ သူက ပြောပါတယ်။
မကြည်ကြည်ဝင်းမှာသားသမီး ၆ ဦးရှိပြီး သားအကြီးနှစ်ဦးက အိမ်ထောင်ကျပြီး
သူတို့မိသားစုနဲ့သူဖြစ်သွားပါပြီ။ သူဟာ ၉ တန်း၊ ငါးတန်း၊
လေးတန်း၊သူငယ်တန်းတက်နေတဲ့သားသမီး ၄ ဦးကို
ဒီလုပ်ငန်းနဲ့ကျောင်းထားပေးနေရပါတယ်။
ဖခင်တယောက်ရဲ့ တာဝန်ကို ယောကျာင်္းဖြစ်သူက မကျေပွန်ခဲ့ပေမယ့် မိခင်ဖြစ်တဲ့
မကြည်ကြည်ဝင်းကတော့ သားသမီးတွေကို သူလိုဘဝမျိုးကနေ
ရုန်းထွက်နိုင်ဖို့အတွက် ပညာရေးကို
အလေးထားသင်ပေးလိုပါတယ်။မကြည်ကြည်ဝင်းဟာ လေးတန်းအထိသာ
ကျောင်းတက်ခဲ့ရသူပါ။သားသမီးတွေကလည်း
သူတို့တို့ကျောင်းထားထမင်းကျွှေးခဲ့တဲ့သည် လုပ်ငန်းနဲ့ ပတ်သက်ပြီး
နားလည်မှုရှိသူတွေပါ။
“ကျမကလေးတွေက ပညာတတ်စေချင်တယ် ကျမလိုဖြစ်မှာကို စိတ်ပူတယ်
ကျမဒီလုပ်ငန်းလုပ်လို့ အမျိုးတွေက မဆက်သွယ်လည်း ကျမဂရုမစိုက်ဘူး ဒါပေမယ့်
သူတို့တွေက ခေါ်ပါတယ် ကျမက သူတို့ဂုဏ်သိက္ခာကို ကြည့်ပြီးတော့
အဆက်အသွယ်မလုပ်ဘူး သူတို့ကတော့ လာပါတယ် ကျမကသာ မသွားတာပါ” လို့
သူကပြောပါတယ်။
စောင့်ရှောက်မှုပေးတာ
သုံးမိုင်ကုန်းသုသာန်မှာ ဗုဒ္ဒဘာသာဝင၊်အစ္စလာမ် ဘာသာဝင်၊ခရစ်ယာန်ဘာသာဝင်၊
တရုတ်လူမျိုး တွေ အတွက်လည်း သုသာန်မြေနေရာ သီးခြားသတ်မှတ်ပေးထားပါတယ်။
ပခုက္ကူမြို့ပေါ်မှာ ရပ်ကွက် ၁၅ ခုရှိပြီး သုသာန်ကတော့ တခုပဲ ရှိပါတယ်။
သူ့ယောက်ကျားကိုလည်း ဒီသုသာန်ရဲ့ ဘယ်ဘက်ခြမ်းမှာရှိတဲ့
ဇီးပင်လေးအောင်မှာသူမြုတ်နှံခဲ့ပါတယ်။
“ကျမ သားအငယ်လေး ကိုယ်ဝန်ကြီး နေ့စေ့လစေ့မွေးဖို့ ခုနှစ်ရက်ပဲအလိုမှာ
ကျမအမျိုးသားက ဓားနဲ့ လိုက်ထိုးလို့ ဒီမီးသဂြိုလ်စက်ကြီးထဲမှာ
ပတ်ပြေးခဲ့ရတယ် နောက်ဆုံးတံခါးပေါက်နားမှာ ထိုးမိဖို့
တထွာလောက်ပဲလိုတော့တဲ့ အချိန်ကျမှ တံခါးတွေက အလိုလိုပိတ် သွားပြီး
အသက်ဘေးက လွတ်ခဲ့တာ ဒီနေရာမှာနေတဲ့ သူတွေက ကျမကိုစောင့်ရှောက် ပေးတယ်
ထင်တယ်”လို့ သူဟာ အတိတ်ကို ပြောရင်းမျက်ရည်တွေစီးကျလာပါတယ်။
မကြည်ကြည်ဝင်းဟာ သုသာန်အတွင်း ဇရပ်ရဲ့ခေါင်းရင်းဘက်မှာရှိတဲ့ စေတီမှာ
မနက်ပိုင်းစောစော ပန်း၊ရေချမ်း၊ ဆီမီးကပ် လှူပူဇော်တာတွေလုပ်ပါတယ်။
သုသာန်အတွင်းမှာ တမာပင်၊ ကုက္ကိုပင်၊ မဲဇလီပင်တွေအများအပြားရှိပေမယ့်
မြေပြင်မှာတော့ သစ်ရွက် သစ်ကိုင်းမရှိဘဲ သန့်ရှင်းသပ်ရပ်နေပါတယ်။
အဲဒီသုသာန်ထဲ မီးသဂြိုလ်စက် နှစ်လုံးရှိပါတယ်။ တလုံးက
စည်ပင်သာယာရေးဝန်ကြီးဌာနပိုင်ဖြစ်ပြီး တခုက နာရေးကူ ညီမှုအသင်း (ရန်ကုန်)က
လှူဒါန်းထားတာဖြစ်ပါတယ်။
“နှစ်စဉ် အကျွတ်အလွတ်ပွဲ လုပ်ပေးတယ် ဒီနှစ်မလုပ်တော့ဘူးလို့ စိတ်ထဲမှာ
တွေးနေတာ သူတို့ လုပ်ပေးဖို့ အိမ်မက်ထဲကနေ လာပြောကြတယ် မြေပုံတွေထဲက
ထလာပြီး ပြောကြတာ၊အရင်က မီးသဂြိုလ်စက်အတွင်းမှာ ရေသန့်ဗူးတွေလွတ်ကျသံတွေ၊
သံလုံးတွေလွတ်ချတာတွေကြုံတွေ့ရတယ်”လို့ သူကပြောပါတယ်။
သူက “တခြားသူတွေကတော့ ကြောက်မှာတော့ ကျမအတွက်တော့ မကြောက်တတ်တော့ဘူး
တခါတလေ အိမ်မက်ထဲမှာ အမျိုးသမီးကြီးတွေက ထလာပြီး ဆံပင်တွေမှာ
သဲတွေပေနေလို့ ခေါင်းဖီးပေးပါ၊ ခေါင်းလျော်ပေးပါ၊ ဆံထုံးလေး ထုံးပေးပါ
ဆိုတာမျိုးပြောတတ်တယ် တခါတလေကျတော့ အမျှဝေပေးဖို့ သားသမီးတွေကို
ပြောပေးခိုင်းတာမျိုးလည်း ကြုံရတယ်”လို့ပြောပါတယ်။
မကြည်ကြည်ဝင်းဟာ သုဘရာဇာအလုပ်ကို တလ ကျပ် ၁၅၀၀၀ ရကတည်းက
လုပ်ကိုင်ခဲ့တာဖြစ်ပြီး အခုဆိုရင် ကျပ် တသိန်းနှစ်
သောင်းကျပ်ရရှိနေပါပြီ။ အဲဒီငွေဟာ လူများတဲ့ သူတို့မိသားစုအတွက်တော့
လောက်ငတဲ့ဝင်ငွေတော့ မဟုတ်ပါဘူး။
ဒီအလုပ်ပဲ မက်မောတယ်
မကြည်ကြည်ဝင်းဟာ သူအမျိုးသားဆုံးပြီးတဲံ့ နောက်ပိုင်းမှာ
သုဘရာဇာလုပ်ငန်းကို လုပ်ကိုင်ဖို့ သူရဲ့ နံမည်နဲ့ စည်ပင်သာ
ယာရေးဝန်ကြီးဌာနကို စာတင်ခဲ့ပေမယ့် အမျိုးသမီးဖြစ်တဲ့ အတွက် အချိန်ကြာတဲ့
အလုပ်လုပ်ကိုင်ခွင့်ကျမလာခဲ့တာကြောင့် နောက်ဆုံး သားအကြီးဆုံးနံမည်နဲ့
လုပ်ကိုင်ခဲ့ရပါတယ်။
“ကျမအမျိုးသားဆုံးပြီးနောက်ပိုင်းမှာ ကျမပိုပြီးတော့ ဒီလုပ်ငန်းကို
လုပ်ဖြစ်တယ် မိသားစုစားဝတ်နေရေးအတွက်လည်းပါတယ် ကျန်တဲ့ လုပ်ငန်းတွေလည်း
ကျမမလုပ်တတ်ဘူး” လို့ သူကပြောပါတယ်။
မြန်မာနိုင်ငံဟာ သုဘရာဇာအလုပ်ကို အမျိုးသားအများစုက
လုပ်ကိုင်ကြတာဖြစ်ပြီး အမျိုးသမီး သုဘရာဇာကတော့ မကြားဘူးသေးပါဘူး။
အခုတော့ မကြည်ကြည်ဝင်းဟာ အမျိုးသမီး သုဘရာဇာတဦးဖြစ် နာရေးကူညီမှုအသင်း
စတင်တည် ထောင်သူ ဦးကျော်သူရဲ့ လူမှုကွန်ယက်စာမျက်နှာမှာတင်ပြီး ပရိသတ်ကို
ပြောခဲ့ပါတယ်။
နာမည်ကျော် မင်းသားကြီး မာလွန်ဘရန်ဒိုဟာ ကမ္ဘာ့ရုပ်ရှင်လောကကို
စွန့်ခွာခဲ့ပြီး ၁၉၈၀-၁၉၉၀ အတွင်းမှာ အရေးပေါ်လူနာတင်ယာဉ်တွေ၊
အသုဘသင်္ဂြိုလ်ခြင်းတွေကို လုပ်ကိုင်ပေးခဲ့သလို မြန်မာနိုင်ငံက
ရုပ်ရှင်မင်းသားကြီး ဦးကျော်သူ ဟာလည်း အလားတူလုပ်ငန်းတွေကို
လုပ်ကိုင်နေပါတယ်။
အစောပိုင်းကာလတွေက သုဘရာဇာလုပ်ငန်းလုပ်ကိုင်သူတွေအပေါ်မှာ
နိမ့်ချဆက်ဆံမှုတွေ၊ မသတီစရာလူတွေအဖြစ် သတ်မှတ်ထားပြီးငွေကြေးကျပ်တည်းတဲ့
ပြည်သူတွေအများစုရဲ့ အားကိုးမှုကို ရရှိပြီးနောက် အခုနောက်ပိုင်းမှာတော့
ပရဟိတ လုပ်ငန်းအသွင်အဖြစ်လူတွေက အမြင်ပြောင်းလဲလာကြပါပြီ။
“ဝတဲ့သူတွေပါလာမျိုးဆိုရင် နာရေးကူညီမှုအသင်းတွေကပါ
ဝိုင်းဝန်းပြီးကူညီလုပ်ကိုင်ပေးတယ် ကျမဒီအလုပ်နဲ့ ပတ်သက်ပြီး
စိတ်ဓာတ်ကျတာမျိုးမဖြစ်ဘူး မိသားစုကိစ္စတွေကြောင့်ပဲ
ကျမစိတ်အနှောင့်အယှက်ဖြစ်ရတာပါ ဒီလုပ်ငန်းနဲ့ ပတ်သက်ပြီးရွံ့ ရှာတာ
ကြောက်တာတော့ မဖြစ်ဘူး ဒီလုပ်ငန်းကို ကုသိုလ်ရတယ်လို့ ကျမထင်တယ် တခါတလေ
အမျိုးသားဖြစ်ဖြစ် အမျိုး သမီးဖြစ်ဖြစ် မီးသဂြိုလ်စက်ထဲ ထိုးထည့်တဲ့ အခါ
အဆင်မပြေလို့ ကျော်ဝင်ရတာမျိုးဖြစ်ရင် ကန်တော့ တောင်းပန်ပြီးတော့ဝင် တယ်”
လို့သူက ရှင်းပြပါတယ်။
အလောင်းတခုအတွက် မြေတွင်းတူးခဟာ ၂၅၀၀ ကျပ်ဖြစ်ပြီး လူငှားမရတဲ့ အခါမှာ
မကြည်ကြည်ဝင်းဟာ ကိုယ်တိုင် မြေတွင်း တူးတာလည်း လုပ်ကိုင်ပါတယ်။
“မှုခင်းတွေဖြစ်တဲ့ အခါ ကျမကို လာပြီး အလောင်းတွေဖော်ပေးဖို့
ပိုက်ဆံပေးပါ့မယ်လို့ တာဝန်ရှိသူတွေ ကလာခေါ် တာလုပ် တယ် အဲဒီလို
အလုပ်ကိုတော့ ကျမလုပ်မလုပ်ဘူးလို့ ငြင်းတယ် ကျမဆီကို
ပိုက်ဆံမရှိဘူးလာပြောရင် ကျမကိုယ်တိုင် တွင်း တူးပြီး အလကားချပေးတယ်
အခုနာရေးကူညီမှု အသင်းတွေပေါ်လာလို့ တွင်းတူးခ ၂၅၀၀ ကျပ်ကို အပြည့်ရတာ
အရင်က အဲဒီလိုမရဘူး”လို့ သူက ရှင်းပြပါတယ်။
ချောက်ရေနံမြေပေါက်ကွဲဖြစ်စဉ်က တနေ့ကို အလောင်းပေါင်း ၂၀ ခန့်ကို ၁၀
ရက်ကျော်လူအထပ်လိုက်မီးသဂြိုလ်ပေးရတာ၊ ပခုက္ကူရေဘေးမှာလည်း အလောင်းတွေ့ရင်
တွေ့သလို လုပ်ကိုင်ပေးရတာတွေဟာ သူဘဝအတွက် မမေ့နိုင်တဲ့ သံဝေ ဂရစေ တယ်လို့
သူက ဆိုပါတယ်။
ပခုက္ကူ သုံးမိုင်ကုန်းသုသာန်မှာ တလကို အလောင်းပေါင်း ၆၀ ကျော်ကို
မြေမြုပ်တာ၊ မီးသဂြိုလ်တာ လုပ်ဆောင်ရပြီး အပူရှိန်ပူပြင်းတဲ့ကာလဆိုရင်
တနေ့ကို ရှစ်လောင်းခန့် သဂြိုလ်ရတယ်လို့ဆိုပါတယ်။
မကြည်ကြည်ဝင်းရဲ့ ငါးတန်းတက်နေတဲ့ သားဟာကျောင်းစာကို
စိတ်ဝင်စားမှုအားနည်းပြီး သုဘရာဇာလုပ်ငန်းကို စိတ်ဝင်စားမှုနေပါတယ်။သူဟာ
ခုနှစ်တာအတွင်း လူအလောင်းပေါင်း
ငါးသောင်းကျော်ကိုမြုတ်နှံသဂြိုလ်ပေးခဲ့ပြီးပါပြီ။
“ဒီလုပ်ငန်းတွေကို ဆက်လုပ်ဖြစ်နေတာကလည်း ကျမယောကျာင်္းရဲ့
လုပ်ငန်းလည်းဖြစ်တယ် ကျမယောကျာင်္းခေါင်းချခဲ့ နေရာလည်းဖြစ်တဲ့ အတွက်
ဒီနေရာမှာ ကျမဆက်နေချင်တယ် ကျမရေစကြိုကို ပြန်ပြီးအမွေရထားတဲ့
နေရာမှာလည်း ပြန်လုပ်လို့ရတာပဲ ဒါပေမယ့် ကျမအဲဒါတွေကို
ဒီလုပ်ငန်းလောက်မမက်ဘူး” လို့ပြောလိုက်ကာသူ့ရဲ့ညိုးငယ်နေတဲ့အကြည့်က
သူယောကျာင်္းကို မြုပ်ထားတဲ့ ဇီးပင်လေးဆီကိုရောက်သွားပါတယ်။
author/photo မေစုကြည်
(နိုဝင်ဘာ ၂၄ ရက်နေ့ ထုတ်ကုမုဒြာဂျာနယ်မှ)
Powered by Blogger.