ကျေးရွာများတွင် မြေငှားဂရန် စတင်လျှောက်ထားခွင့်ပြု



ကျေးရွာများတွင် လူ တစ်ဦးချင်းမှစ၍ မြေငှားဂရန်များ စတင်လျှောက်ထားခွင့်ပေးမည် ဖြစ်ကြောင်း ကျေးရွာမြေများ မြေ ငှားဂရန်ထုတ်ပေးနိုင်ရေးအထူး လုပ်ငန်းအဖွဲ့က သတင်းထုတ် ပြန်သည်။

အဆိုပါ လုပ်ငန်းအဖွဲ့သည် ကျေးရွာမြေများပိုင်ဆိုင်မှု အ ထောက်အထားမရှိခြင်းကို မြေ ငှားဂရန်ထုတ်ပေးခြင်းဖြင့် ပိုင် ဆိုင်မှု အာမခံချက်ရှိလာစေရန် မြို့နယ်တစ်မြို့နယ်လျှင် မြေ ယာမှုခင်း အရှုပ်အထွေးမရှိသော ကျေးရွာတစ်ရွာစီ ရွေးချယ်၍ ရှေ့ပြေးစမ်းသပ်မှုလုပ်ငန်း (Pilot Project) စတင် ဆောင်ရွက်ခဲ့ပြီး နောက် ယခုအခါ နိုင်ငံတစ်ဝန်း လုံးရှိ ကျေးရွာများသို့ ထုတ်ပေး မည်ဟု သိရသည်။

‘‘မြေရှင်တွေအနေနဲ့ အရှုပ် အရှင်းကင်းတယ်။ ဌာနဆိုင်ရာ မြေမဟုတ်ဘူး စတဲ့ အထောက် အထားတွေပြနိုင်ရင် လျှောက် ထားလို့ ရပါတယ်။ ရှေ့ပြေးလုပ် ငန်းစဉ်တွေပြီးသွားလို့ စဉ်ဆက် မပြတ်ဆက်လုပ်ပေးသွားမှာပါ’’ ဟု ကျေးရွာမြေများ မြေငှားဂရန် ထုတ်ပေးနိုင်ရေး အထူးလုပ်ငန်း အဖွဲ့ အဖွဲ့ဝင် ရန်ကုန်တိုင်းဒေသကြီးစိုက်ပျိုးရေးနှင့် မွေးမြူရေးဝန်ကြီးဦးစိုးမင်းက ပြောသည်။

နိုင်ငံတစ်ဝန်းလုံးရှိ ကျေးရွာမြေများအား မြေငှားဂရန်ထုတ်ပေးနိုင်ရန် ဥပဒေ၊ လုပ်ထုံးလုပ်နည်း များနှင့်အညီ ဆက်လက်ဆောင် ရွက်သွားမည်ဖြစ်ပြီး ကျေးလက် နေပြည်သူတစ်ဦးတစ်ယောက် ချင်းအနေဖြင့် သော်လည်းကောင်း၊ အိမ်ထောင်စု တစ်ရာ (သို့မဟုတ်)ခြံကွက်တစ်ရာ တစုတပေါင်းတည်း အနေဖြင့်သော်လည်း ကောင်း ကျေးရွာမြေငှားဂရန်ရရှိရေး လျှောက်ထားဆောင်ရွက်နိုင်သည်ဟု အဆိုပါလုပ်ငန်း အဖွဲ့၏ သတင်းထုတ်ပြန်ချက်တွင် ဖော်ပြထားသည်။

ထို့အပြင် ကျေးရွာမြေတိုး ချဲ့လိုမှုနှင့် ပတ်သက်၍ တင်ပြလျှောက်ထားမှုရှိပါကလည်း သက်ဆိုင်ရာ ဌာနဆိုင်ရာများနှင့် ချိတ်ဆက်၍ စိစစ်ပြီး တိုးချဲ့ နိုင်ရန် ခွင့်ပြုချက်ထုတ်ပေးကာ အဆိုပါမြေကွက်နှင့် အိမ်များအ တွက် ဂရန်ထုတ်ပေးရန်လည်း တစ်ဆက်တည်းပြုလုပ်ပေးရန် ရှိ ကြောင်း ရန်ကုန်တိုင်းဒေသကြီး အစိုးရအဖွဲ့မှ သတင်းရရှိသည်။

ရှေ့ပြေးအစီအစဉ်အဖြစ် ဆောင်ရွက်ခဲ့ရာတွင် ၂၈၃ မြို့ နယ်ရှိ ကျေးရွာ ၂၈၃ ရွာ၌ အကောင်အထည်ဖော်ဆောင်ရွက်ခဲ့ပြီး ဇွန်လ ၅ ရက်မှ အောက်တိုဘာ ၃၁ ရက်အထိ စုစုပေါင်းမြေငှားဂရန် ၃၂,၀၅၇ ခုကို ထုတ် ပေးနိုင်ခဲ့ကြောင်း အဆိုပါလုပ်ငန်းအဖွဲ့ထုတ်ပြန်ချက်အရ သိရသည်။

ထိုသို့ရှေ့ပြေးကျေးရွာမြေ အငှားဂရန် ချပေးခဲ့ခြင်းနှင့် တစ် နိုင်ငံလုံး အတိုင်းအတာအရ ဆက် လက်ဂရန်ချပေးမည့် သတင်း ကြောင့် ရန်ကုန်မြို့တွင် မြေကွက် များဖော်၍ တန်ဖိုးနည်းမြေကွက် များအဖြစ် ရောင်းချသည့် ဈေး ကွက်များ ဆင်ခြေဖုံးမြို့နယ်အချို့ ၌ ဖြစ်ပေါ်ခဲ့သည်။

မြေကွက်ရောင်းချသူများအ နေဖြင့် အစိုးရမြေငှားဂရန်ထုတ် ပေးမည့်အစီအစဉ်ရှိ၍ မြေပိုင် ဆိုင်ခွင့်အတွက် စိတ်ချရသည် ဟုဆိုကာ ကြိုတင်ရောင်းချမှုများ ရှိကြောင်း သိရသည်။

‘‘အကွက်ဖော်ရောင်းချမှု တွေက လှိုင်သာယာနဲ့လှည်းကူး ဘက်တွေမှာ အများကြီးတွေ့လာ ရတယ်။ စီမံချက်မထွက်ခင်က တည်းကကို အကွက်တွေချပြီး ရောင်းနေကြတယ်။ စိတ်ဝင်စား သူလည်း များတယ်’’ဟု လှိုင်သာ ယာမြို့နယ် ရွှေလင်ဗန်းစက်မှုဇုန် အနီးရှိ ဒေသခံပွဲစားတစ်ဦးက ပြောသည်။

ယင်းကဲ့သို့ ရောင်းချရာတွင် ပေ ၂၀၊ ၆၀ တစ်ကွက်လျှင် ကျပ်သိန်း ၂၀ မှ သိန်း ၆၀ ခန့်ဖြင့် အရောင်းအဝယ်များဖြစ်ပေါ်နေ သည်ဟု အဆိုပါဈေးကွက်မှ စုံ စမ်းသိရသည်။

============

7Day News Journal
Powered by Blogger.