စီးပွားရေးလုပ်ငန်းပေါင်း ခြောက်သောင်းဝန်ကျင်



စီးပွားရေးလုပ်ငန်းများ၏ လိပ်စာကို မိုဘိုင်းဖုန်း Application မှ တစ်ဆင့် သိရှိနိုင်မည့် EZ Directory တွင် လုပ်ငန်းပေါင်း ငါးသောင်းကျော် ခြောက်သောင်း၏ လိပ်စာများကို ထည့်သွင်းထားကြောင်း တာဝန်ရှိသူကပြောသည်။
အဆိုပါ EZ Directory Application ကို ဖုန်းဆိုင်များတွင် လည်းကောင်း၊ ဝက်ဘ်ဆိုက်တွင် လည်းကောင်း၊ Apple store, Play store စသည်တို့တွင် လည်းကောင်း ရယူနိုင်မည် ဖြစ်သည်။
“စီးပွားရေး လုပ်ငန်းတွေ အတွက် ရည်ရွယ်ပါတယ်၊ ဖုန်းနံပါတ်တွေ တင်မက လုပ်ငန်းတွေရဲ့ လိပ်စာပါတယ် လိပ်စာကို ထောက်လိုက်တာနဲ့ မြေပုံပါပါတယ်၊ ဝက်ဘ်ဆိုက်၊ အီးမေးလ်လိပ်စာ၊ ဝန်ဆောင်မှု၊ ရွှေဈေး ငွေဈေး၊ ဒေါ်လာဈေး စတာတွေ နေ့စဉ် Update နဲ့ကြည့်ရှုနိုင်မယ်၊ ဒီဇယ်၊ ဓာတ်ဆီဈေး ပါတယ်၊ လက်ရှိ လုပ်ငန်းပေါင်း ငါးသောင်းကျော်ခြောက် သောင်းလောက်တော့ရှိနေပြီ” ဟု အထက်ပါ တာဝန်ရှိသူက ဆိုသည်။
မြန်မာ၊ အင်္ဂလိပ် နှစ်ဘာသာဖြင့် ထည့်သွင်းထားကြောင်း သိရသည်။ ဖျော်ဖြေရေးဆိုင်ရာ အချက်အလက်များကိုလည်း ယင်း Application မှတစ်ဆင့် ရှာဖွေနိုင်မည်ဟု ဆိုသည်။ လက်ရှိပြသနေသော ရုပ်ရှင်ဇာတ်ကားများ၏ ပြသချိန်၊ စတိတ်ရှိုးများ၊ဖက်ရှင်ရှိုးများ၏ လက်မှတ်များ ဝယ်ယူနိုင်မည့်နေရာများ၊ လက်မှတ် ဈေးနှုန်းများနှင့် အခြား သက်ဆိုင်သော အချက်အလက် အစရှိသည်တို့ကိုလည်း ရယူနိုင်ကြောင်း သိရသည်။
Powered by Blogger.