သွေးလေးဖက်နာအကြောင်း သိကောင်းစရာ

အခုပြောမယ့် လေးဖက်နာကတော့ ပိုးကြောင့်ဖြစ်တဲ့ လေးဖက်နာ မဟုတ်ပါဘူး။ သွေးကြောင့် ဖြစ်တာ၊ ပိုးသတ်ဆေးတွေ စားလို့ မပျောက်ပါဘူး။ သွေးကို ပြန်ပြီးသန့်ပေးတဲ့ ဆေးစားရပါမယ်။
သွေးလေးဖက်နာဟာ ကြာရင်၊ မကုသရင် အဆစ်အကောက်
ကွေးသွားတက်ပါတယ်။ ခန္တာကိုယ်ထဲမှာ ပြေင်ကရောဂါပိုးမွှားတွေ ၀င်လာရင် ခုခံဓာတ်ရှိပါတယ်။ ဒီခုခံဓာတ်က တစ်ခါတလေမှာ မျက်စိလည်ပြီးတော့၊ ပိုးကိုမတိုက်ဘဲ ကိုယ့်ပစ္စည်း ကိုယ်ပြန်တိုက်တာရှိတယ်။ အဲဒီအခါမှာ ထွက်လာတဲ့ဓာတ်ကို RHEUMATOID FACTOR (RF) လို့ခေါ်ပါတယ်။ အဲဒီဓာတ်က အရိုးအဆစ်တွေကို တိုက်ခိုက်တဲ့အခါ သွေးလေးဖက်နာဖြစ်ပွားရပါတယ်
အရွယ်မရွေး၊ ကျားမ မရွေးဖြစ်နိုင်ပါတယ်။ အသက် (၃၀)မှ (၅၀)ကြား အဖြစ်များပါတယ်။ မိဘမျိုးရိုးထဲမှာ ဖြစ်ဖူးတဲ့ လူရှိရင်လည်း ဖြစ်နိုင်ချေရှိပါတယ်။ ကင်ဆာရောဂါလိုပဲ ကံဆိုးတဲ့လူတွေမှာ ဖြစ်တယ်လို့ ပြောနိုင်ပါတယ်။ လူ ၁၀၀ မှာ ၁ ယောက် နှုန်းလောက် ဖြစ်ပွားပါတယ်။
အဓိကလက္ခဏာကတော့ အဆစ်နာတာပဲ။ အဆစ်တစ်ဆစ်တည်း မဟုတ်ဘဲ လေးခုလောက်နာပါတယ်။ ဒူးအဆစ်တစ်ခု ပဲ နာတယ်ဆိုရင်တော့ အရိုးကျီးပေါင်း ဖြစ်ဖို့များပါတယ်။ အဆစ်ဟာနာရုံတင်မကဘဲ ရောင်ရမ်းနေမယ်။ ဖောင်းနေမယ်ဆိုရင် စမ်းသပ်စစ်ဆေးရပါမယ်။
နောက်တစ်ခုကတော့ နာတဲ့အဆစ်ကို လက်ညှိုးနဲ့ လက်မကြားမှာ ဖျစ်ညှစ်ကြည့်လိုက်လို့ ပိုမနာဘူး ဆိုရင် ကိစ္စမရှိဘူး။ မခံနိုင်အောင် နာတယ်ဆိုရင်တော့ သွေးလေးဖက်နာ ဖြစ်နိုင်ချေပိုများပါတယ်။ တတိယတစ်ချက်ကတော့ အဆစ်နာတာက လှုပ်လိုက်ရှားလိုက်ရင် ပိုမနာဘဲ သက်သာပြီး၊ မနက်စောစောမှာ တစ်နာရီကျော် နာနေတာပါပဲ။ အဲဒီလိုလူမျိုးကို သွေးဖောက်စစ်ရပါမယ်။
(RF) RHEUMATOID FACTOR လို့ခေါ်တဲ့ လေးဖက်နာဓာတ်ကို တွေ့ရပါမယ်။ ဓာတ်မှန်ရိုက်ကြည့်ရင် အရိုး တွေစားနေတာကိုလည်း တွေ့ရပါမယ်။ အခြားရောဂါတွေလို သိပ်ပြီး ရှုပ်ထွေးတဲ့ စမ်းသပ်မှုတွေ မလိုပါဘူး။ လူနာကို လက်တွေ့ စမ်းသပ်စစ်ဆေးခြင်း၊ ဓာတ်မှန်ရိုက်ခြင်း၊ သွေးထဲမှာ (RF) ရှာဖွေခြင်းတို့်ဖြင့် ရောဂါဟုတ်မဟုတ် သိနိုင်ပါတယ်။ တစ်ကမ္ဘာလုံးမှာ လည်း အတူတူပါပဲ။
လေးဖက်နာဟာ အဓိကသုံးမျိုးရှိပါတယ်။
အဆစ်နာတိုင်း လေးဖက်နာဆိုပြီး ပင်နီဆလင်တွေသောက်ပြီး နောက်ပိုင်း အဆစ်ကောက်ကွေးသွားတာတွေ အများကြီးတွေ့ရပါတယ်။ လေးဖက်နာမှ ပိုးလေးဖက်နာ (RHEUMATIC ARTHRITIS)၊ သွေးလေး ဖက်နာ (RHEUMATOID ARTHRITIS) SLE (SYSTEMIC LUPUS ERYTHEMATOSUS) ဆိုပြီး သုံးမျိုးရှိပါတယ်။
အဲ့ဒီရောဂါသုံးခုရဲ့ နောက်ဆက်တွဲ ရှုပ်ထွေးမှုတွေ မတူကြပါဘူး။ ပိုးကြောင့်ဖြစ်သော လေးဖက်နာ နောက်ဆက်တွဲ ရှုပ်ထွေးမှု အဖြစ် နှလုံးအဆို့ရှင် ပျက်စီးတာတို့လို ရောဂါတွေဖြစ်နိုင်ပြီး၊
သွေးလေးဖက်နာရဲ့ ရှုပ်ထွေးမှုက အဆစ်တွေ ကောက်ကွေးသွား တက်ပြီး အိပ်ရာပေါ် လဲသွားနိုင်ပါတယ်။
အရေပြားလေးဖက်နာကျတော့ ကျောက်ကပ်ပျက်စီးသွားနိုင်ပါတယ်။ အဆစ်နာတယ် ဆိုပြီး ကိုယ်ဟာကိုယ် ထင်ရာကုရင် ရောဂါနဲ့ ဆေးမကိုက်ညီပါက အနာကသက်သာပေမယ့် နောက်ဆက်တွဲ ဆိုးကျိုးတွေကို မကာ ကွယ်နိုင်တဲ့အတွက် အဆစ်သုံးခု အထက်ရောင်တယ်ဆိုရင် ကျွမ်းကျင်မှုဆိုင်ရာ ဆရာဝန်နဲ့ စောစော စီစီး ကုသဖို့ လိုအပ် ကြောင်း မှာကြားချင်ပါတယ်။
Credit to Mg Mandalay စာကြည့်ခန်း
ကျန်းမာရေးသတင်းများ
Powered by Blogger.