ကုသိုလ်ကောင်းမှုလုပ်ရင် အကုသိုလ် ပပျောက်နိုင်ပါသလား

Kls က အသျှင်..ဘုရားတစ်ပည့်တော်ကိုတစ်ခုလောက်ဖြေပေးပါလားဘုရား အကုသိုလ် လုပ်ထားသည့်လူတစ်ယောက်ဟာ ကုသိုလ်ကောင်းမှုလုပ်ရင် ပပျောက်နိုင်ပါသလားဘုရား..
တစ်ခြားဘာသာခြားတစ်ယောက်မေးထားလို့ပါ..တပည့်တော်လည်းမဖြေတတ်လို့ပါဘုရား..
ကျေးဇူးတင်ပါတယ်ဘုရား လို့ ဗုဒ္ဓကမ္ဘာမှာမေးထားတာပါ။
-----------------------------------------------------------------------------------------------------------
ဗုဒ္ဓမြတ်စွာက အင်္ဂုတ္တိုရ်ပါဠိတော် တတိယတွဲ-၄၉၇၊ ပဌမသဉ္စေတနိကသုတ်မှာ ‘‘နာဟံ, ဘိက္ခဝေ, သဉ္စေတနိကာနံ ကမ္မာနံ ကတာနံ ဥပစိတာနံ အပ္ပဋိသံဝေဒိတွာ ဗျန္တီဘာဝံ ဝဒါမိ။ တဉ္စ ခေါ ဒိဋ္ဌေဝ ဓမ္မေ ဥပပဇ္ဇေ ဝါ အပရေ ဝါ ပရိယာယေ။

“ရဟန်းတို့ (သံသရာဝဋ်ရှိနေသမျှ၊ ဘ၀ရနေသမျှ) စေ့ဆော် အားထုတ် ပြုလုပ် ဆည်းပူးအပ်ကုန်သော ကံတို့၏ အကျိုးကို မခံစားရဘဲ ကင်းပျောက်ခြင်းငှာ ငါဘုရား မိန့်တော်မမူ၊ ထိုအကျိုးကိုလည်း မျက်မှောက်ဘ၀၌ဖြစ်စေ၊ ဒုတိယဘ၀၌ဖြစ်စေ၊ နောက်ဘ၀အဆက်ဆက်၌ဖြစ်စေ(တတိယဘ၀မှစ၍ နိဗ္ဗာန်ရသည့်ဘ၀တိုင်အောင်ဖြစ်စေ) ခံစားရ၏။” လို့ ဟောတော်မူပါတယ်။
သို့ဖြစ်၍ ပြုပြီးသော အကုသိုလ်ကံကို ကုသိုလ်ကောင်းမှုလုပ်ရင် ခန္ဓာရှိနေသမျှတော့ ပပျောက်နိုင်သည်ဟု မဆိုသာပေ။

သို့သော် မြတ်ဗုဒ္ဓက ဖြစ်ပြီးအကုသိုလ်ကို ပယ်ရဖို့ အားထုတ်ရမည် ဟု သမ္မပဓာန် လေးပါး၌ မိန့်တော်မူထားသည် မဟုတ်လော၊ မြတ်ဗုဒ္ဓနှင့် ရဟန္တာများ အကုသိုလ်ကို ပယ်သည်မှာ ဖြစ်နိုင်ပါမည်လော..ဟု မေးစရာရှိလာ၏။

ဧကန်ဖြစ်ပြီးသော အကုသိုလ် ဖြစ်ပြီးအကုသိုလ်နှင့် အလားတူသော မဖြစ်သေးသည့် အကုသိုလ်ကို ဥပ္ပန္နပါပက (ဖြစ်ပြီးအကုသိုလ်)ဟု ဆိုသည်။ ဖြစ်ပြီးအကုသိုလ်များကို လောကီကုသိုလ်များက ပယ်ရှားပုံမှာ “ငါ..ပါဏာတိပါတမှု(သူ့အသက်သတ်မှု)ကို ပြုမိတဲ့အတွက် နောင်တတဖန် ပူပန်ခြင်း ကုက္ကုစ္စဖြစ်နေလျှင် အကုသိုလ်တွေသာ ထပ်ပြီး တိုးပွားတော့မယ်။ ပူပန်မှုကြောင့် မပြုရာရောက်အောင် မတတ်နိုင်နိုင်တော့” လို့ ဆင်ခြင်ပြီး ထိုပြုမိတဲ့ ပါဏာတိပါတကို လုံးလုံး ဂရုမပြုဘဲ ပယ်စွန့်လိုက်ပါတယ်။

နောက်နောင်အခါလည်း အဲဒီပါဏာတိပါတအမှုမျိုး မဖြစ်အောင် အထူးရှောင်ကြဉ်တယ်။ အဲသည်လိုနည်းအားဖြင့် အားထုတ်သော် ဖြစ်ပြီး ပါဏာတိပါတအမှုကိုလည်း ပယ်နိုင်၊ ဖြစ်ပြီး ပါဏာတိပါတအမှုနှင့်အလားတူတဲ့ ပါဏာတိပါတကိုလည်း ပယ်စွန့်ရာရောက်ပါတယ်။ ကျန်အကုသိုလ်မျာကိုလည်း နည်းတူသိပါ။

ပြုပြီးအကုသိုလ်ကို ပယ်တယ်ဆိုတာ အဆက်အသွယ်ဖြတ်လိုက်ခြင်းပါပဲ၊
နောက်ထပ် ထပ်ပြီး မလာအောင် လုပ်တာပါ။
ရှိပြီးသားအကုသိုလ်တွေကတော့ အမာရွတ်လို ကျန်နေမှာပါပဲ။
ကုသိုလ်ဖြစ်ဖြစ် အကုသိုလ်ဖြစ်ဖြစ် ကျန်နေမှာပါပဲ။ ကိုယ်လုပ်ပြီးသား တစ်ခုကို မလုပ်ဘူးလို့ ပြောလို့ မရတော့ပါဘူး။

သို့သော် သူ့ကို အားနည်းသွားအောင် လုပ်လို့ရတယ်။
ကံတွေ အကျိုးပေးနိုင်အောင် ကူညီတဲ့ အကြောင်းတရားတွေ ရှိပါတယ်။
ဘာတွေလဲ ဆိုရင် ကိလေသာတွေပါပဲ။ အဲဒီကိလေသာတွေကို ဖယ်ရှားပစ်လိုက်လို့ရှိရင် ဒီကံဟာ လုံးဝ အကျိုးပေးတော့မှာ မဟုတ်ပါဘူး။

ဒီနေရာမှာ…. သင်္ခဓမ္မသုတ်လာ အကုသိုလ်ပယ်နည်းကို လေ့လာမှတ်သားသင့်၍ တင်ပြပါဦးမယ်။
အတ္ထိ ခေါ ပန မယာ ပါဏော အတိပါတိတော ယာဝတကော ဝါ တာဝတကော ဝါ။ ယော ခေါ ပန မယာ ပါဏော အတိပါတိတော ယာဝတကော ဝါ တာဝတကော ဝါ, တံ န သုဋ္ဌု, တံ န သာဓု။ အဟဉ္စေဝ ခေါ ပန တပ္ပစ္စယာ ဝိပ္ပဋိသာရီ အဿံ။ န မေတံ ပါပံ ကမ္မံ အကတံ ဘဝိဿတီ’တိ။ သော ဣတိ ပဋိသင်္ခါယ တဉ္စေဝ ပါဏာတိပါတံ ပဇဟတိ။ အာယတိဉ္စ ပါဏာတိပါတာ ပဋိဝိရတော ဟောတိ။ ဧဝမေတဿ ပါပဿ ကမ္မဿ ပဟာနံ ဟောတိ။ ဧဝမေတဿ ပါပဿ ကမ္မဿ သမတိက္ကမော ဟောတိ။ (သံယုတ်၊ ဒု၊ ၅၀၅)

၁။ အကုသိုလ်ကို အကုသိုလ်လို့ မြင်တာ ပထမအဆင့်။
၂။ မြင်ပြီးလျှင် ဒါမကောင်းဘူးလို့ သိရမှာက ဒုတိယအဆင့်။
၃။ နောက်မဖြစ်အောင် စောင့်စည်းတာက တတိယအဆင့်။
၎။ အဲဒီအတွက် အစားထိုးပြီး ကောင်းတာတွေချည်းလုပ်တာ စတုတ္ထအဆင့်။
အဲဒီအဆင့် လေးဆင့်နဲ့ အကုသိုလ်ကံတွေကို ပယ်ရှားပစ်မယ်ဆိုရင် အကုသိုလ်ကံတွေကနေ လွတ်သွားမယ်။

နောက်ဆုံးလွတ်ဖို့ အခွင့်အရေးတစ်ခုကတော့ ကံကို အကူအညီပေးနေတဲ့ ကိလေသတွေ လုံးဝကုန်သွားပြီဆိုလျှင် အဲဒီကံကနေ လုံးဝလွတ်မြောက်သွားပြီ။
အဲဒီလို လွတ်မြောက်သွားပြီဆိုတာ ဘ၀တစ်ခုကို ပေးနေတဲ့ ကံကနေ လွတ်မြောက်သွားတာ။ သို့သော် အတိတ်က လိုက်လာတဲ့ ကံသည် ခန္ဓာကိုယ်ရှိနေသေးသမျှတော့ နှိပ်စက်နေဦးမှာပဲလို့ မှတ်ထားရမယ်။
ဥပမာ-အရှင်မောဂ္ဂလာန် ရဟန္တာဖြစ်ပြီးပြီ၊ ကိလေသာတွေ ပယ်ပြီးပြီ။

သို့သော် အတိတ်ကလိုက်လာတဲ့ အကုသိုလ်ကံရဲ့ အပြစ်ဒဏ်ကို ခံရသေးတယ်။ ဒါက အတိတ်က လုပ်ထားတဲ့ကံ။ အခု ပစ္စုပ္ပန်မှာ လုပ်တဲ့ကံတွေ နောက်ထပ် ဒီကံတွေက မကျိုးမပေးတော့ဘူး။ ဘာလို့လဲဆို နောက်ထပ်ဘ၀တစ်ခုကို သူတို့ မထုတ်လုပ်နိုင်တော့လို့ပါပဲ

အဲဒါကိုပြောတာ ကံကနေထုတ်လုပ်ပြီးသား ဘ၀ကတော့ ဒုက္ခပေးနေဦးမှာပဲ။ မြတ်စွာဘုရားတောင် ခေါင်းခဲတာတို့ ခါးတော်နာတာတို့ ဒုက္ခပေးသေးတာပဲ။
ခန္ဓာကိုယ်ကြီးရှိနေသမျှတော့ အတိတ်က လုပ်ခဲ့တဲ့ကံတွေက ဒုက္ခပေးဦးမှာပါပဲ။

အဲဒါကို တစ်ချို့က ယောင်ပြီးတော့ ကိလေသာတွေ ပယ်ပြီးဖြစ်ရဲ့သားနဲ့ ကံကအကျိုးပေးရမလားဆိုပြီး မကျေနပ်တာ ရှိသေးတယ်။ မဟုတ်ဘူး။ ကံရဲ့ အကျိုးဆက် ဟောဒီခန္ဓာကိုယ်ကြီး ရှိနေသေးသမျှတော့ သူက ဒုက္ခပေးလို့ ရသေးတယ်။ သို့သော် ဒီပုဂ္ဂိုလ် နောက်ထပ် ငရဲကျအောင်တို့ ဘာတို့ လုပ်လို့မရတော့ဘူး။

ပဋိသန္ဓေဆိုတဲ့ အကျိုးကတော့ ပေးလို့ မရတော့ဘူးလို့ ဆိုလိုတယ်။ လက်ရှိ ပ၀တ္တိအကျိုးကတော့ အနှောက်အယှက်တွေ အများကြီး ရှိဦးမှာပေါ့။ ဒါကြောင့်မို့ ဒုက္ခတွေအားလုံးငြိမ်းသွားတဲ့ အနုပါဒိသေသ နိဗ္ဗာန်သို့ ရောက်သွားမှသာလျှင် လုံးဝလွတ်သွားတာ။ သဥပါဒိသေသ နိဗ္ဗာန်ဆို ဒုက္ခလာပေးနေဦးမှာပဲ။
အဲဒါကို ရည်ရွယ်လို့ ရဟန်းတို့ (သံသရာဝဋ်ရှိနေသမျှ၊ ဘ၀ရနေသမျှ) စေ့ဆော် အားထုတ် ပြုလုပ် ဆည်းပူးအပ်ကုန်သော ကံတို့၏ အကျိုးကို မခံစားရဘဲ ကင်းပျောက်ခြင်းငှာ ငါဘုရား မိန့်တော်မမူ။လို့ မိန့်တော်မူတာပါ။

အချုပ်ကတော့ ပြုခဲ့တဲ့ အကုသိုလ်ကို ကုသိုလ်လုပ်ရင် ပပျောက်သွားသလားဆိုတော့ အဲဒီအကုသိုလ်ကံကို အထောက်အပံ့ပေးနေတဲ့ ကိလေသာတွေကို ဖယ်ရှားပစ်နိုင်ရင် လုံးဝပျောက်ကင်းသွားနိုင်တယ်။ သံသရာထဲမှာ ခန္ဓာတွေ ရနေသမျှတော့ အဲဒီကံတွေက တော့ အမာရွတ်လို ကျန်နေဦးမှာပဲ၊ အကျိုးပေးဦးမှာပဲလို့ အဖြေပေးလိုက်ပါရစေ…။

ဒီအဖြေများထဲမှ အမှားအယွင်း လိုအပ်ချက် တစ်စုံတရာရှိခဲ့သော် မိမိ၏ ဉာဏ်နုံ့နဲမှု လေ့လာမှုအားနည်းချက်ကြောင့်သာဖြစ်၍ သာသာနာတော်ကိုအထင်မသေးစေလိုပါ…
ရွှင်လန်းချမ်းမြေ့ကြပါစေ….
------------------------------------------------------------------------------------------------------------
ကိုးကား..
အင်္ဂုတ္တိုရ်ပါဠိတော် တတိယတွဲ၊
သံယုတ်ပါဠိတော် ဒုတိယတွဲ၊
သဂြို င်္ဟ်ဘာသာဋီကာ၊
ဒေါက်တာနန္ဒမာလာဘိဝံသ၏ ဓမ္မဗျူဟာ သင်တန်းသာများ၏ မေးခွန်းများကို ဖြေဆိုခြင်း။

ရနံ့စံအိမ်မှ ကူးယူဖော်ပြပါသည်။
Powered by Blogger.