ခရီးသည် ၃၄၇ ဦး တင်ဆောင်လာသည့် အပျော်စီးသင်္ဘော မီးလောင်ကျွမ်းမှု ဖြစ်ပွား



လန်ဒန်   နိုဝင်ဘာ  ၂ဝ

ပြင်သစ်အပျော်စီး သင်္ဘောတစ်စင်း ဖြစ်သည့် Le Boreal သင်္ဘောသည် ဖောက်ခ်လန် ကျွန်းဆွယ်သို့ ဦးတည်ခုတ်မောင်းလာစဉ် မီးလောင်ကျွမ်းမှု ဖြစ်ပွားခဲ့ရာ

ဗြိတိန်ကမ်းခြေစောင့် တပ်ဖွဲ့များက ၎င်းသင်္ဘောပေါ်၌ လိုက်ပါလာသော ခရီးသည် ၃၄၇ ဦးနှင့်သင်္ဘော အမှုထမ်းများကို ကယ်ဆယ်ခဲ့ရကြောင်း နိုဝင်ဘာ ၁၉ ရက်တွင် တာဝန်ရှိသူများက ပြောကြားသည်။

အဆိုပါ မတော်တဆမှုသည် နိုဝင်ဘာ ၁၉ ရက်က ဖြစ်ပွားခဲ့ခြင်း ဖြစ်ပြီး ဗြိတိန်တော်ဝင် လေတပ်မှ ရဟတ်ယာဉ် နှစ်စင်းနှင့် ထောက်ပံ့ရေး ရဟတ်ယာဉ် နှစ်စင်းတို့သည် သင်္ဘော ကုန်းပတ်နှင့် အသက်ကယ်လှေ နှစ်စင်းပေါ်မှ လူ ၇၉ ဦးကို တင်ဆောင်သွားခဲ့ကြောင်း၊ တော်ဝင်ရေတပ်မှ သင်္ဘောတစ်စင်းကမူ လူပေါင်း ၂ဝဝ ကျော်ခန့်ပါဝင်သော အသက်ကယ်လှေများကို ဘေးကင်းရာသို့ ခေါ်ဆောင်ပေးခဲ့ကြောင်း သိရသည်။

အရပ်ဘက် အဖွဲ့အစည်းများနှင့်အတူ တော်ဝင်ရေတပ်နှင့် တော်ဝင်လေတပ်တို့မှ ဝန်ထမ်းတို့၏ ပူးပေါင်း ဆောင်ရွက်မှုကြောင့် အသက်ပေါင်းများစွာကို ကယ်ဆယ်နိုင်ခဲ့ပြီး အသေအပျောက်များ ဖြစ်ပေါ်စေမည့် အခြေအနေအား ဟန့်တားနိုင်ခဲ့ကြောင်း ဗြိတိန် ကာကွယ်ရေး ဝန်ကြီး မိုက်ကယ်လ်ဖော်လန်က ပြောကြားသည်။ Le Boreal သင်္ဘောပေါ်မှ ခရီးသည်များနှင့် ဝန်ထမ်းများကို ဖောက်ခ်လန် ကျွန်းဆွယ်ပေါ်ရှိ ဗြိတိန်အခြေစိုက် စခန်းတစ်ခုသို့ ခေါ်ဆောင်သွားခဲ့ကြောင်းနှင့် အဆိုပါ အခြေစိုက်စခန်းတွင် ၎င်းတို့အား လုံလောက်သည့် စားနပ်ရိက္ခာများ၊ အဝတ်အထည်များနှင့် ဆေးဝါးပစ္စည်းများ   ပေးအပ်မည်ဖြစ်ကြောင်း သိရသည်။
Powered by Blogger.