စစ်ကိုင်းကောင်းမှုတော်ဘုရားမှထူးခြားသောရေကန်



စစ်ကိုင်း နိုဝင်ဘာ ၁၃

စစ်ကိုင်းမြို့ ဘုရားဖူးရောက်သူတိုင်း သွားရောက်ဖူးမြော်သောဘုရားမှာ ကောင်းမှုတော်ဘုရားပင်ဖြစ်သည်။ကောင်းမှုတော်ဘုရားသည် ထူးခြားပြီး စိတ်ဝင်စားဖွယ်ရာကောင်းသော စေတီပင်ဖြစ်သည်။ စေတီကို အင်းဝခေတ်ညောင်ရမ်းမင်းဆက် သိရိသုဓမ္မရာဇာမဟာဓိပတိဘွဲ့ခံသာလွန်မင်းကြီးက သက္ကရာဇ် ၉၉၈ ခုနှစ်တွင် တည်ထား ခဲ့သည်။ ဘုရားထီးမတင်မီ သာလွန်မင်းနတ်ရွာစံသည့်အတွက် သားတော်ပင်းတလဲမင်းက သက္ကရာဇ် ၁ဝ၁၁ခုနှစ် ကဆုန်လဆန်း ၈ ရက်တွင် ထီးတော်တင်လှူခဲ့သောစေတီပင်ဖြစ်သည်။

စေတီတော်မှာ ဥာဏ်တော် ၁ဝ၁ တောင်၊ ထီးတော်၂၆ ပေ၊ စေတီလုံးပတ် ပေ ၈၈ဝ၊ အချင်း ပေ၂၈ဝ ၉ လက်မ ရှိသည်။ စစ်ကိုင်းကောင်းမှုတော်သို့ ရောက်သူတိုင်း ဘုရားကိုပတ်ကာ ဖူးမြော်ပြီးသည်နှင့် ထူးခြားသောကန်ဆီ သွား
ရောက်လေ့ရှိသည်။ ထိုကန်မှာ ကောင်းမှုတော်စေတီနံဘေးမှ ထူးခြားသောမေတ္တာကန်ပင်ဖြစ်သည်။ မေတ္တာကန်တည်ထားမှုနှင့်ပတ်သက်သော နောက်ခံသမိုင်းတွင်ကောင်းမှုတော်စေတီတည်ရန် မြေနေရာညွှန်ပြသူ သိကြား
မင်း၏ မေတ္တာရပ်ခံချက်ကြောင့် စေတီတော်မြောက်ဘက်တွင် ရေကန်တူးဖော်ခဲ့ရာမှသည်  မေတ္တာကန်ဟု  တွင်ခဲ့ကြောင်း ဆိုထားသည်။

မေတ္တာကန်နှင့်ပတ်သက်၍ ရှေးအစဉ်အဆက်ကတည်းက ယုံကြည်မှုများစွာရှိကြသည်။ ထူးခြားသောမေတ္တာကန်မှာ အရှေ့အနောက်အလျား ၂၉၉ ပေ ၆ လက်မရှိသည်။

စစ်ကိုင်းကောင်းမှုတော်ရောက်သူတိုင်း မေတ္တာကန်ဘက် သို့သွားကာ ငါးစာကျွေးခြင်းများ၊ လမ်းလျှောက်ကာ ကောင်းမှုတော်ဘုရားကို အဝေးမြင်ကွင်းမှ ဖူးမြော်ကြသည်။ ကောင်းမှုတော်ဘုရားဘေးမှ လှပစွာတည်ရှိနေသော မေတ္တာကန်၏ထူးခြားမှုကို ယနေ့တိုင် လက်ခံယုံကြည်ကာ   စည်းကမ်းတကျ   လိုက်နာကြကြောင်းသိရသည်။

စစ်ကိုင်းကောင်းမှုတော်နံဘေးမှ မေတ္တာကန်တွင် ထူးခြားချက်ခုနစ်ချက်ရှိသည်။ ထိုထူးခြားချက်များမှာ  အခါခပ်သိမ်း ရေမခန်းခြင်း၊ ရေပြင်တွင် သစ်ရွက်အမှိုက်၊ ရေညှိတို့မရှိခြင်း၊ ရှေးခေတ်က တိုင်းပြည်အန္တရာယ်ကျရောက်လု
ချိန်တွင် ကန်ရေပြင်သည် ဆန်ဆေးရေကဲ့သို့ နောက်ကျိလာခြင်း၊ ကန်တွင်းသို့   အမျိုးသမီးများ  ရေဆင်းချိုးခြင်း၊ကန်ရေကို အမင်္ဂလာကိစ္စများတွင် အသုံးပြုမိပါက ဘေးဥပါဒ်ကျရောက်တတ်ခြင်း၊ မယုံကြည်၍ ကန်တွင်းမှ ငါးလိပ်
တို့ကို ဖမ်းယူစားသောက်ပါက သိသိသာသာ ဒုက္ခရောက်တတ်ခြင်း၊ ကန်ရေကို မျက်စဉ်းခက်မှု၊ သောက်သုံးမှုပြုပါကရောဂါဝေဒနာသက်သာခြင်း၊ နှစ်ပေါင်း ၃၆ဝ ကျော်ကြာမြင့် သော်လည်း ကန်ရေသည် နောက်ကျိပုပ်သိုးမှုမရှိခြင်းဆို
သော အချက်များပင်ဖြစ်သည်။

လက်ရှိကာလတွင် စစ်ကိုင်းကောင်းမှုတော်ရောက်ဘုရားဖူးများသည် ထူးခြားသော မေတ္တာကန်ကို အရောက်သွားကာ ငါးစာ၊ လိပ်စာကျွေးခြင်းများပြုလုပ်ကာ ကုသိုလ်ယူလေ့ရှိကြသည်။ မေတ္တာကန်မှသည် ကောင်းမှုတော်ဘုရား၏ အဝေးမြင်ကွင်းကို ဖူးမြော်လေ့ရှိကြပြီး အေးချမ်းစွာ လမ်းလျှောက်သွားလာလေ့ရှိကြောင်း သိရသည်။

တိမ်တမန်



PannPwint
Powered by Blogger.