စိတ်အလို မလိုက်မိပါစေနဲ့

တဒင်္ဂဆင်းရဲကို ကြောက်ပြီး သံသရာတစ်လျှောက် ချမ်းသာပျောက်မယ့်အလုပ်မျိုး မလုပ်မိပါစေနဲ့။
အခိုက်အတန့် သာယာမှုနောက်ကိုလိုက်ပြီး ဘဝနဲ့ရင်းကာ ပေးဆပ်ရမယ့် အကျင့်ဖောက်ဖျက်မှုမျိုးကို မကျူးလွန်မိပါစေနဲ့။
တစ်နပ်တစ်ပွဲ စားရုံလောက်လေးအတွက် သံသရာနဲ့ချီးပြီး ပေးဆပ်ရတာတွေ မဖြစ်မိပါစေနဲ့။

ဘဝမှာ ဘယ်လောက်ပဲဆိုးဆိုး အိုနာသေးဘေးလောက် ဆိုးတာမရှိတော့ပါဘူး။ အိုဘေး၊ နာဘေး၊ သေဘေးဆိုတာ မိဘနဲ့သားသမီးတောင်မှ သူ့ကိုယ်မကယ်နိုင် ကိုယ့်သူမကယ်နိုင်တဲ့ ဘေးမျိုးပါ။

ဒါကြောင့် အဆိုးဆုံး ဘေးတွေကို ပိုင်ဆိုင်ထားမှတော့ ကျန်တဲ့အဆင်မပြေမှုဆိုတာ ဘာမှမပြောပလောက်တော့ပါဘူး။ ဒီလို မပြောပလောက်တဲ့ အဆင်မပြေမှုလောက်နဲ့ ကိုယ့်ဘဝကို သံသရာမှာမှောက်မဲ့အထိ မိုက်လုံးမကြီးကြဖို့ သတိပြုဆင်ခြင်ကြရမှာ ဖြစ်ပါတယ်။

မေတ္တာဖြင့်
မနာပဒါယီ အရှင်ဝိစိတ္တ
Powered by Blogger.