အယုဒ္ဓယကို မြန်မာ့လက်အောက်မှ လွတ်မြောက်စေသူ

အယုဒ္ဓယကို မြန်မာ့လက်အောက်မှ လွတ်မြောက်စေသူ
================================
အေဒီ ၁၇၆၇ ဧပြီလတွင် မြန်မာကုန်းဘောင်တပ်များသည် အယုဒ္ဓယမြို့ကို ဥမင်လှိုဏ်ခေါင်းများ တူးဖောက်ကာ ၀င်ရောက်သိမ်းပိုက်နိုင်ခဲ့သည်။
ဆင်မြင်းလူသူရွှေငွေရတနာများစွာ ကို သိမ်းယူရရှိသည့်အပြင် မြို့ကို ၀န်းရံထားစဉ်က စာဖြင့်တောင်းခံထားသော အယုဒ္ဓယပူရ မြို့စောင့် အမြောက်ညီနောင်ကိုပါ ယူငင်နိုင်ခဲ့သည်။
ယိုးဒယားဘုရင်ကိုပင် ပြန်လည်နန်းတင်မည် ကြံသော်လည်း ၄င်းဘုရင်မှာ မြို့တံခါးအနီးတွင် စိန်ပြောင်းသင့်ကာ နတ်ရွာစံပြီး ဖြစ်သဖြင့် မွန်စစ်သူကြီး စုကီက အလောင်းကို ပရာမောင်န်ခေါပစ်ဝတ်ကျောင်း အနီးတွင် မီးသဂြိုလ်ပေးခဲ့သည်။
ထို့နောက်တွင်မူ မြန်မာတပ်များသည် အယုဒ္ဓယတွင် မွန်စစ်သူကြီး စုကီ နှင့် ဗမာဗိုလ်မှူး မောင်ရ တို့ကို မြို့စောင့်အဖြစ် ထားခဲ့ကာ နေပြည်တော်သို့ ပြန်ခဲ့ကြသည်။ ( မန်ချူးတို့၏ကျူးကျော်စစ် ကိုလည်း ရင်ဆိုင်နေရချိန် ဖြစ်သည်။ )
ထိုအခြေအနေတွင် ဖရာ့တက်ဆင်အမည်ရှိ ယိုးဒယားမြို့စား တစ်ဦးသည် ယိုးဒယားနိုင်ငံပေါ်လွှမ်းမိုးထားသော မြန်မာ့အာဏာစက်ကို တွန်းလှန်ရန် ကြိုးစားခဲ့သည်။
သူသည် စင်စစ်အားဖြင့် တရုတ်-ယိုးဒယား ကပြားတစ်ဦးဖြစ်သည်။ သူ၏ဖခင်မှာ လောင်းကစားဒိုင်ပိုင်ရှင် တရုတ်သူဌေးတစ်ဦးဖြစ်ပြီး မိခင်မှာ ယိုးဒယားသူဖြစ်သည်။ ( ဖရာ့တက်ဆင် ဟုဆိုရာ၌ ဖရာ့ ကား ဘွဲ့အမည်၊ တက်ကား စားသော မြို့အမည်၊ ဆင်ကား အမည်ရင်း ဖြစ်သည်။ မြန်မာရာဇ၀င်ကျမ်းများတွင် ဘယားတက်သေဉ် ဟုရေးသားသည်ကို တွေ့ရှိရသည်။ )
သူသည် အယုဒ္ဓယကို မြန်မာများဝန်းရံထားစဉ်ကာလအတွင်း အထက်အမိန့်မရဘဲ မြန်မာတပ်များဘက်သို့ အမြောက်ဖြင့် ပစ်ခတ်ခဲ့မှုကြောင့် ယိုးဒယားမင်း၏ ဆူပူအပြစ်တင်မှုကို ခံခဲ့ရသည်။ ( ထို့နောက်တွင်မူ စိတ်ထိခိုက်သွားသော ဖရာ့တက်ဆင်သည် နောက်လိုက် ၅၀၀ ခန့်ဖြင့် အယုဒ္ဓယမှ ထွက်သွားခဲ့သည် ဆို၏ )
အယုဒ္ဓယကို သိမ်းပိုက်ပြီးသောအခါ မြန်မာတို့သည် မြို့ရိုးပင် မကျန်အောင် ဖြိုဖျက်ပစ်လိုက်ကြသည်။ ယိုးဒယားတို့ နာလန်မထူနိုင်တော့ဟုလည်း ယူဆခဲ့ကြသည်။ ( ထိုသို့မြို့တော်ကျဆုံးပြီးနောက် ထင်ရှားသော ယိုးဒယားတော်ဝင်မင်းသားအချို့က မြို့အသီးသီးတွင် ဗိုလ်ဝင်ခံကာ တစ်တော တစ်ကြက်ဖတွန်ကြသည်။ ယိုးဒယားနိုင်ငံသည် ငါးစိတ်ငါးမွှာ ကွဲသွားခဲ့သည်ဆို၏။ )
ဖရာ့တက်ဆင်သည် ထိုသို့ အစုစုကွဲနေသော နိုင်ငံကို စစ်အင်အားသုံးကာ စုစည်းခဲ့သည်။ ယိုးဒယားပင်လယ်ကွေ့အရှေ့ဘက် ရယောင်းမြို့တွင် အောင်မြေနင်းကာ တစ်နိုင်ငံလုံးကို စည်းရုံးသိမ်းသွင်းခဲ့သည်။ ( သူသည် ပြိုင်ဘက် ယိုးဒယားမင်းသားများကို အရှင်မထားဘဲ သတ်ပစ်ခဲ့သည်။ )
ထို့နောက်တွင်မူ ထန္နပူရီ ( Thonburi ) မြို့ကို ချီတက်ကာ မြန်မာတို့ တင်မြောက်ထားသော ယိုးဒယားမြို့စား နိုင်ထုန်းဣန္ဓရ ကိုလုပ်ကြံခဲ့သည်။ များမကြာမီ အယုဒ္ဓယကို ချီတက်ကာ မွန်စစ်သူကြီးစုကီကို ချေမှုန်းပြီး မြန်မာအစောင့်တပ်များကို တိုက်ထုတ်နိုင်ခဲ့သည်။ ( သို့တိုင်အောင် မြန်မာတို့သည် ယိုးဒယားမြောက်ပိုင်းတွင် ခြေကုပ်ယူထားနိုင်ဆဲ ဖြစ်သည်။ )
ပြိုင်ဘက်ကင်း သူရဲကောင်းဖြစ်လာသော အခါ ဖရာ့တက်ဆင်သည် မင်းအဖြစ် ဘိသိက်ခံရန် အယုဒ္ဓယမြို့ကို ကြည့်မိသည်။ ( သို့သော် စစ်ဘေးသင့် အယုဒ္ဓယသည် အုတ်ပုံ ပြာပုံအတိ ဖြစ်နေခဲ့ပြီ။ )
ထိုအခါ ဖရာ့တက်ဆင်သည် ထန္နပူရီ သို့ ပြန်သွားကာ ထိုမြို့တွင်ပင် မင်းအဖြစ် ဘိသိက်ခံခဲ့သည်။ ( ဖရာ့တက်ဆင်ကို ထန္နပူရီဘုရင် ဟုလည်းခေါ်ကြသေးသည်။ အကြောင်းမှာ ထန္နပူရီတွင် ဖရာ့တက်ဆင်တစ်ဦးတည်းသာ မင်းအဖြစ် စိုးစံခဲ့သောကြောင့် ဖြစ်သည်။ )
မြန်မာနိုင်ငံဘက်တွင်မူ ဆင်ဖြူရှင်မြေဒူးမင်း နတ်ရွာစံသွားပြီးနောက် သားတော် စဥ့်ကူးမင်း နန်းတက်လာခဲ့သည်။ စဥ့်ကူးမင်းသည် ယိုးဒယားနယ်မြေအတွင်း ရောက်ရှိနေသော စစ်သူကြီး မဟာသီဟသူရ ကို ပြန်၍ခေါ်သည်။
မဟာသီဟသူရက ချက်ချင်း ဆုတ်ခွာလျှင် ယိုးဒယားတပ်များ နောက်ကလိုက်၍ နှောင့်ယှက်မည် ဖြစ်သဖြင့် စစ်သူကြီးချင်း အပြေအပြစ် စကားပြောဆိုရန် ယိုးဒယားစစ်သူကြီး ချက္ကရီ ကို ဖိတ်ခေါ်ခဲ့သည်။ ( ချက္ကရီသည် ဖရာ့တက်ဆင်နှင့် ညီရင်းအစ်ကိုသဖွယ် ရင်းနှီးသူဖြစ်ပြီး ဖရာ့တက်ဆင်၏ တိုက်ပွဲများစွာတွင် ပါဝင်ခဲ့သူဖြစ်သည်။ )
စစ်သူကြီးချင်း တွေ့ကြသော အခါ နှစ်ဦးနှစ်ဖက် လက်ဆောင်ပဏ္ဏာများ အပြန်အလှန် တုံ့လှယ်ကြသည်။ နှစ်ဖက်တပ်များကလည်း မျက်နှာချင်းဆိုင်ကာ တပ်စွဲထားကြသည်။ မဟာသီဟသူရသည် စစ်ရေးစစ်ရာကိစ္စများကို ပြောဆိုပြီးသောအခါ ချက္ကရီ၏ မျက်နှာကို စေ့စေ့ကြည့်ကာ..
- " သင်ကား စစ်သူကြီးဟုသာ ဆိုသည် မင်းဖြစ်ထိုက်သော ဥပဓိရှိသူဖြစ်သည်။ ကိုယ့်ကိုယ်ကို စောင့်ရှောက်ပါဘိ " ဟု ပြောဆိုခဲ့သည်။
ထိုစကားသည် မဟာသီဟသူရက စေတနာအမှန်ဖြင့်ပြောခဲ့ခြင်းလော၊ ချက္ကရီ နှင့် ဖရာ့တက်ဆင်တို့ အကြား သွေးခွဲလို၍ ပြောခဲ့ခြင်းလော ဟု ယိုးဒယားသမိုင်းဆရာများက ယနေ့တိုင် တွေးဆလျက်ရှိကြသည်ဆို၏။
အကြောင်းမှာ ထိုသို့ ပြောဆိုပြီးနောက် ချက္ကရီသည် မိမိသဘောဖြင့် စစ်တပ်ကြီးချီကာ နိုင်ငံအနှံ့ လိုက်လံတိုက်ခိုက်နေသောကြောင့်ဖြစ်သည်။
ထို့နောက် နေပြည်တော်သို့ပြန်လာကာ မိမိ၏ သစ္စာခံမှူးမတ်များနှင့် ပူးပေါင်းပြီး ဖရာ့တက်ဆင် ကို စိတ်ဖောက်ပြန်နေသည် ဟူသော စွဲချက်ဖြင့် ထီးနန်းမှ ချကာ အာဏာသိမ်းခဲ့သည်။
ဖရာ့တက်ဆင်သည် မိမိကို ရဟန်းဝတ်ခွင့်ပြုပါရန် တောင်းပန်သော်လည်း ချက္ကရီက ခွင့်မပြုခဲ့ပေ။ ထို့နောက် ဖရာ့တက်ဆင်ကို ကွပ်မျက်ရန် အာဏာပါးကွက်သားတို့လက်သို့ အပ်လိုက်တော့သည်။
ယိုးဒယားမှတ်တမ်းများအရ ဖရာ့တက်ဆင်ကို ဆွဲခေါ်သွားသောအခါ ချက္ကရီသည် နန်းတော်ထက်မှ နေ၍ ထိုမြင်ကွင်းကို ကြည့်ကာ မျက်ရည်ကျနေခဲ့သည် ဆို၏။ ( အကြောင်းမှာ- ဖရာ့တက်ဆင်က " ငါ့ကို ညီတော်ချက္ကရီ နဲ့ တွေ့ခွင့်ပေးကြပါ၊ ခဏလောက်ပဲဖြစ်ဖြစ် တွေ့ခွင့်ပေးပါ " ဟု အော်ဟစ်နေခဲ့သောကြောင့် ဖြစ်သည် ဟုဆိုသည်။ )
ထိုအချိန်မှစ၍ ယိုးဒယားနိုင်ငံကို ချက္ကရီ မင်းဆက်က စတင်အုပ်ချုပ်သည်။ ဘန်ကောက်မြို့တွင် နန်းစိုက်ကာ ရာမဘွဲ့ကို ခံယူကြသည်။ ယနေ့အုပ်ချုပ်နေသော ယိုးဒယားဘုရင် ဘူမိဘောသည် န၀မမြောက်ချက္ကရီမင်း ဖြစ်သည်။
( ဖိုတိုကတော့ ယိုးဒယားဝက်ဘ်ဆိုဒ် ( www.thaivisa.com )ကနေယူထားတာပါ။ ဖရာ့တက်ဆင်ရဲ့ပုံလို့ဆိုပါတယ်။ နောက်တစ်ပုံကတော့ ချက္ကရီမင်းကိုးပါးပုံပါ။ )
ကျေနပ်ကြလိမ့်မယ်လို့ မျှော်လင့်မိပါတယ်။
ပဉ္စမံကြောင်
Powered by Blogger.