မြန်မာ့သစ္စာတော်ကို ကျေနပ်စွာခံယူခဲ့သော ယိုးဒယားမင်း

၁၆ ရာစု အစောပိုင်းကာလတွင် ယိုးဒယားနိုင်ငံ၌ အယုဒ္ဓယနေပြည်တော်ကို ဗဟိုပြုကာ သုပန်နဖွန်၊ သောက္ကတဲ၊ ဥဒုံ နှင့် သီရိသနခုန် ဟူသော မြို့ပြနိုင်ငံများ ပေါ်ပေါက်ခဲ့ကြသည်။ ( ထိုမြို့ပြနိုင်ငံများသည် ဗဟိုအစိုးရနှင့် အခါကြီးရက်ကြီးများတွင်သာ ထိတွေ့မှုရှိကြသည်။ )

ထိုသို့အုပ်ချုပ်နေစဉ် အယုဒ္ဓယမင်းကြီး ချိုင်ရာဇာ ၏ မိဖုရား သီရိသုဒ္ဓ သည် နန်းတွင်းမှလူပျိုတော်သားတစ်ဦး နှင့် ဖောက်ပြန်ကာ မင်းကြီးကို အဆိပ်ခတ်လုပ်ကြံခဲ့သည်။ ထို့နောက် ထီးနန်းဆက်ခံသော သူ၏ သားတော်ရင်းလေးကိုပင် သတ်ဖြတ်ကာ သူနှင့်ဖောက်ပြန်သော လူပျိုတော်သားကို "၀ုန်ရာဝုန်စာထိရပ်"ဟူသော ဘွဲ့ဖြင့် နန်းတင်ပေးခဲ့သည်။ ( ထိုဖြစ်ရပ်ကို ယိုးဒယားရာဇ၀င်များတွင် အတိအလင်း ဖော်ပြထားသည်။ )

ဤကဲ့သို့ မိဖုရား သီရိသုဒ္ဓ၏ မတရားလုပ်ရပ်ကို မခံနိုင်သောကြောင့် သုပန်နဖွန်မင်းဆက် မှ မဟာချက္ကရာဖတ်သည် သောက္ကတဲမင်းဆက်မှ ဖိရန်သရေ့ နှင့် ပူးပေါင်းကာ အာဏာသိမ်းခဲ့သည်။ သီရိသုဒ္ဓ နှင့် ၀ုန်ရာဝုန်စာ တို့သည် ခေါင်းဖြတ်၍ ကွပ်မျက်ခံခဲ့ရသည်။

ထို့နောက် မဟာချက္ကရာဖတ် သည် ဗြသာဓိရာဇာ ဟူသောဘွဲ့ဖြင့် အယုဒ္ဓယ ထီးနန်းကို ဆက်ခံခဲ့သည်။ သူ့ကို ကူညီပေးခဲ့သော ဖိရန်သရေ့ ကိုလည်း ဗြမဟာဓမ္မရာဇာ ဟူသောဘွဲ့ဖြင့် ပိဿလောက်မြို့ကို စားစေသည်။ သူ၏ သမီးတော် ဗြဝိသုဒ္ဓိ နှင့်လည်း လက်ဆက်ပေးခဲ့သည်။ ( ပိဿလောက်စားတို့ ဇနီးမောင်နှံတွင် သမီးတော် တစ်ပါးနှင့် သားတော် နှစ်ပါး ထွန်းကားခဲ့သည်။ ဆုပန်ကလျာ၊ ဗြနရစ် နှင့် ဗြဧကထို့စရို့ တို့ဖြစ်သည်။ )

အေဒီ ၁၅၄၈ တွင် ဟံသာဝတီ တပင်ရွှေထီးမင်း အယုဒ္ဓယသို့ တိုက်ခိုက်လာသောအခါ ဗြမဟာဓမ္မရာဇာသည် အယုဒ္ဓယ တော်ဝင်တပ်နှင့်အတူ ဟံသာဝတီတပ်များကို တိုက်ခိုက်ပေးခဲ့သည်။သူသည် ဘုရင့်နောင်နှင့် စီးချင်းယှဉ်မိပြီး တိုက်ပွဲတွင် အရှင်ဖမ်းဆီးခြင်းကို ခံခဲ့ရသည်။ ( ထိုတိုက်ပွဲတွင် ယိုးဒယားမင်း၏ မိဖုရားကြီး ဗြသီရိဆူရီယိုထိုင်းသည် ပြည်ဘုရင်၏ ဓားချက်ဖြင့် ကျဆုံးခဲ့သည်။ )

သို့သော် များမကြာမီ အယုဒ္ဓယမင်းက ဟံသာဝတီကို လက်ဆောင်တော်များနှင့် အခွန်ကတိများပေး၍ အညံ့ခံသောအခါ ဗြမဟာဓမ္မရာဇာသည် ပြန်လည်လွတ်မြောက်လာခဲ့သည်။ ပိဿလောက်မြို့ကို ဆက်လက်စားရသည်။

ဆယ့်ငါးနှစ်ခန့်အကြာ အေဒီ ၁၅၆၃ ခုနှစ်တွင် ဘုရင့်နောင်၏ ဆင်ဖြူတော်စစ်ပွဲ စတင်ခဲ့သည်။ ဗြမဟာဓမ္မရာဇာသည် ဟံသာဝတီတပ်များကို မိမိမြို့မှ ခုခံသော်လည်း နောက်ဆုံးတွင် ဘုရင့်နောင်၏ စစ်အင်အားကို မယှဉ်နိုင်ဘဲ လက်နက်ချခဲ့သည်။

ထို့နောက်တွင်မူ ဘုရင့်နောင်၏ နောက်တော်သို့လိုက်ကာ မိမိ၏တပ်များနှင့် စစ်မှုထမ်းခဲ့သည်။ အယုဒ္ဓယမြို့ကို ရံမိသောအခါ ဗြမဟာဓမ္မရာဇာသည် မြို့တွင်းမှ အယုဒ္ဓယဘုရင်ထံ သို့ မိမိ၏ တမန်ကို စေလွှတ်ကာ အညံ့ခံရန် ပြောကြားခဲ့သည်ဟု မှတ်တမ်းများကဆိုသည်။

အစောပိုင်းတွင် ယိုးဒယားမင်းက စေလာသူကို ချုပ်နှောင်ကာ ငြင်းဆန်ခဲ့သော် လည်း နောက်ဆုံးတွင် လက်နက်ချ အညံ့ခံခဲ့သည်။

ထိုအခါ ဘုရင့်နောင်သည် ယိုးဒယားမင်း၏ သားတော်ကြီး ဗြမဟိန် ကို နန်းတင် ပေးခဲ့ကာ ယိုးဒယားမင်း၊ မိဖုရား၊ သားတော်ငယ် ဗြရာမသွန် တို့ကို ဟံသာဝတီသို့ ခေါ်ဆောင်ခဲ့သည်။ ( ဗြမဟာဓမ္မရာဇာကလည်း သားတော်ကြီး ဗြနရစ်ကို ဘုရင့်နောင်၏ အပါးတွင်နေစေရန် ထည့်ပေးလိုက်သည်။ )

များမကြာမီ ဗြရာမသွန်သည် ဘုရင့်နောင်၏ ဇင်းမယ်စစ်တွင် ဖျားနာ၍ ကွယ်လွန်သွားခဲ့သည်။ ကွယ်လွန်သွားသော မင်းသား၏ မိဖုရားက အယုဒ္ဓယသို့ ပြန်လိုသဖြင့် ဘုရင့်နောင်က ရာဇမနုဟူသော အမတ်ကို ကြီးကြပ်စေကာ ပြန်ပို့ခဲ့သည်။

ထိုယိုးဒယားမိဖုရားသည် လမ်းခရီးတွင် ရာဇမနု နှင့် ငြိစွန်းခဲ့သည်။ ထိုကိစ္စကို ယိုးဒယားတော်ဝင် အသိုင်းအ၀ိုင်းက ဘုရင့်နောင်ထံ လှမ်း၍ ကန့်ကွက်ခဲ့သည်။

ထိုသို့ ရှုပ်ထွေးနေစဉ် ရဟန်းဝတ်နေသော ယိုးဒယားဘုရင်ဟောင်းက အယုဒ္ဓယသို့ ဘုရားဖူးရန် အကြောင်းပြကာ ပြန်သွားခဲ့သည်။ အယုဒ္ဓယသို့ရောက်လျှင် လူဝတ်လဲကာ သားတော်နှင့် ပူးပေါင်းခဲ့သည်။

ဘုရင့်နောင်က ဖောက်ပြားသူ ရာဇမနု အမတ်ကို ကွပ်မျက်ခဲ့သည်။ ထိုသို့ ကွပ်မျက်ကြောင်းကို ယိုးဒယားမင်းထံ ဇလသင်ရံ ဟူသော အမတ်ကို စေလွှတ်ကာ အကြောင်းကြားတော်မူခဲ့သည်။

ယိုးဒယားမင်းတို့ သားအဖသည် ဇလသင်ရံကို လမ်းခုလတ်တွင် သတ်ဖြတ်ခဲ့သည်။ ( ဟံသာဝတီ၏ အာဏာကို ဖီဆန်တော့မည်ဟူသော သဘောပင်ဖြစ်သည်။ )

ထိုအကြောင်းကို ပိဿလောက်စား ဗြမဟာဓမ္မရာဇာ သိလျှင် " ယိုးဒယားမင်းသည် မအပ်မရာသော အကြောင်းကို ကြံစည်သည်။ ငါကား ငါ့ကိုယ်ငါ အမျက်မရှာကောင်းပေ " ဟုဆိုကာ ပိဿလောက်မှ ဟံသာဝတီသို့ အလုံးအရင်းနှင့် ထွက်ခွာလာခဲ့သည်။

ဗြမဟာဓမ္မရာဇာ ပိဿလောက်မှ ထွက်သွားကြောင်း သိလျှင် ယိုးဒယားမင်း ဗြမဟိန်က ပိဿလောက်သို့ စစ်အင်အားဖြင့် ချီတက်လာကာ ဗြမဟာဓမ္မရာဇာ၏ မိဖုရား ဗြ၀ိသုဒ္ဓိ နှင့် တွေ့ဆုံခဲ့သည်။

- " အစ်မတော်...သောက္ကတဲ မင်းဆက်က မဟာဓမ္မရာဇာကတော့ အယုဒ္ဓယသစ္စာကို မခံဘဲ ဟံသာဝတီနဲ့ ပူးပေါင်း လိုက်ပြီ။ ဘယ့်နှယ်လဲ အစ်မတော်။ အစ်မတော်ကတော့ ကျနော်တို့သုပန်နဖွန်မင်းဆက် သွေးပဲ မဟုတ်လား.. ဟံသာဝတီသစ္စာမခံဘဲ နေပြည်တော်ကို လိုက်ခဲ့မယ်မလား"

- " ဟယ်...နင်က သောက္ကတဲ နဲ့ သုပန်နဖွန် ဆိုပြီး သွေးခွဲ မျိုးခွဲ စကားတွေပြောလာတယ်။ ရတယ်။ ငါနဲ့ ငါ့သားသမီးတွေ နေပြည်တော်ကိုလိုက်ခဲ့မယ်။ ဒါပေမယ့် နင့်ကို လုံးဝမကျေနပ်ဘူးဆိုတာတော့ မှတ်ထားပါ။ "

သို့ဖြင့် ဗြ၀ိသုဒ္ဓိသည် သမီးတော် ဆုပန်ကလျာ၊သားတော်ငယ် ဗြဧကထို့စရို့ တို့နှင့်အတူ အယုဒ္ဓယသို့ လိုက်ပါသွားခဲ့သည်။ ( ပိဿလောက်မှ သူဌေးသူကြွယ်များကိုပါ ဗြမဟိန်က ဖမ်းခေါ်သွားခဲ့သည်။ )

ဤအကြောင်းကို ဘုရင့်နောင်မင်းကြီးသိလျှင် ဗြမဟာဓမ္မရာဇာကို ကူညီရန် ဟံသာဝတီတပ်မ နှစ်တပ် ကို စေလွှတ်ခဲ့သည်။ ဗြမဟာဓမ္မရာဇာကိုလည်း ထီးဖြူ မကိုဋ်ပေးကာ " အယုဒ္ဓယတွင် ငါ့သားမင်းပြုရန် အကြောင်းပေါ်ချေပြီ " ဟု ရင်းနှီးစွာ မိန့်ကြားခဲ့သည်။ ထို့နောက် ဗြမဟာဓမ္မရာဇာ သည် ဟံသာဝတီတပ်နှစ်တပ်နှင့်အတူ ပိဿလောက်သို့ ပြန်သည်။ ( ဘုရင့်နောင်က သီတင်းကျွတ်မှ ချီလာမည်ဖြစ်သည်။ )

အေဒီ ၁၅၆၈ မိုးလေကင်းလွတ် သီတင်းကျွတ်တွင် ဘုရင့်နောင်သည်အင်အားအလုံးအရင်းဖြင့် အယုဒ္ဓယသို့ချီသည်။ ထိုအချိန်တွင် ယိုးဒယားမင်းက လင်းဇင်း (လာအို) မင်း နှင့်ပူးပေါင်းကာ ပိဿလောက်ကို ၀ိုင်းရံ ထားသဖြင့် ထိုတပ်များကို တိုက်ခိုက်ပြီး ဗြမဟာဓမ္မရာဇာကို ကယ်ဆယ်ခဲ့သည်။

အန္တရာယ်များကင်းရှင်းသွားသောအခါ ဘုရင့်နောင်သည် အယုဒ္ဓယမြို့အား နွားကို ခြံလှောင်သကဲ့သို့ ပတ်ပတ်လည် ၀န်းရံထားခဲ့သည်။ ( ဗြမဟာဓမ္မရာဇာသည် ဟံသာဝတီအိမ်ရှေ့မင်းနှင့်အတူ အယုဒ္ဓယမြို့၏ မြောက်ဘက်တွင် တပ်စွဲကာ ၀န်းရံခဲ့သည် ဆို၏။ )

ဘုရင့်နောင် ၀န်းရံထားစဉ် ရဟန်းလူထွက် ယိုးဒယားမင်းသည် ကွယ်လွန်သွားခဲ့သည်။ ထိုအခါ ဗြမဟိန်သည် စိတ်ဓာတ်ကျကာ စစ်ပြေငြိမ်းရန် ကမ်းလှမ်းခဲ့သည်။ ဟံသာဝတီတပ်သို့ ရိက္ခာများ လက်ဆောင်များ ဆက်သခဲ့သည်။

သို့သော် ဘုရင့်နောင်မင်းကြီးက မြို့ကို သိမ်းပိုက်နိုင်ရန်သာ ရည်ရွယ်ခဲ့သည်။ ယိုးဒယားတို့ကလည်း စစ်ကိုသာ ရပ်စဲလိုပြီး လုံးဝ အညံ့ခံရန်ကိုမူ ငြင်းဆိုလိုက်သည်။

ထိုအခါ ဘုရင့်နောင်သည် ယိုးဒယားလူမျိုး အမတ်ကြီး အောက်ဗြစက္ကိ ကို သူလျှိုအဖြစ် အသုံးချကာ ယိုးဒယားတို့၏ စစ်ရေးကို စိမ့်ဝင်ထိုးဖောက်ခဲ့သည်။ ထို့နောက် ၁၅၆၉ တွင် အယုဒ္ဓယကို ဘုရင့်နောင်မင်းကြီး အလိုတော်ပြည့်ခဲ့သည်။

ဘုရင့်နောင်သည် ကတိအတိုင်း ဗြမဟာဓမ္မရာဇာကို ယိုးဒယားထီးနန်းတွင် "ချောင်ဖစောင်ခွေ" ( စော်ဘွားသောင်ကျည် ) ဟူသောဘွဲ့ဖြင့် နန်းတင်ပေးခဲ့သည်။ ဗြမဟာဓမ္မရာဇာကလည်း ဘုရင့်နောင်ကို မိမိ၏ ၁၇ နှစ်အရွယ် သမီးတော် ဗြသုဝဏ္ဏဒေ၀ီ (ခေါ်) ဆုပန်ကလျာကို ဆက်သခဲ့သည်။

အယုဒ္ဓယမင်း ဗြမဟာဓမ္မရာဇာသည် ဟံသာဝတီနေပြည်တော်၏ သစ္စာကို ကျေကျေနပ်နပ်ခံယူကာ ဘုရင့်နောင် နတ်ရွာစံသည့်အချိန်ထိ ပျဝပ်ကျိုးနွံစွာ ဆက်ဆံခဲ့သည်။

ပဉ္စမံကြောင်
Powered by Blogger.