ဘုရားဂုဏ်တော်(၉)ပါး

မြတ်စွာဘုရားသည်-

၁။ ပူဇော်အထူးကို ခံတော်မူထိုက်သော အကြောင်းကြောင့်လည်း ‘အရဟံ’ မည်တော်မူပါပေ၏။
၂။ အလုံးစုံသောတရားတို့ကို ကိုယ်တိုင် မှန်စွာ သိတော်မူသော အကြောင်းကြောင့်လည်း ‘သမ္မာသမ္ဗုဒ္ဓ’ မည်တော်မူပါပေ၏။
၃။ အသိဉာဏ် ‘ဝိဇ္ဇာ’ အကျင့် ‘စရဏ’ နှင့် ပြည့်စုံတော်မူသော အကြောင်းကြောင့်လည်း ‘ဝိဇ္ဇာစရဏသမ္ပန္န’ မည်တော်မူပါပေ၏။
၎။ ကောင်းသော စကားကိုဆိုတော်မူတတ်သော အကြောင်းကြောင့်လည်း ‘သုဂတ’ မည်တော်မူပါပေ၏။
၅။ လောကကို သိတော်မူသောအကြောင်းကြောင့်လည်း ‘လောကဝိဒူ’ မည်တော်မူပါပေ၏။
၆။ ဆုံးမထိုက်သူကို ဆုံးမတတ်သည့်အတုမဲ့ပုဂ္ဂိုလ် ဖြစ်တော်မူသော အကြောင်းကြောင့်လည်း ‘အနုတ္တရော ပုရိသဒမ္မသာ ရထိ’ မည်တော်မူပါပေ၏။
၇။ နတ်လူတို့၏ ဆရာဖြစ်တော်မူသော အကြောင်းကြောင့်လည်း ‘သတ္ထာဒေဝမနုဿာနံ’ မည်တော်မူပါပေ၏။
၈။ သစ္စာလေးပါးတရားတို့ကို သိစေတော်မူသော အကြောင်းကြောင့်လည်း ‘ဗုဒ္ဓ’ မည်တော်မူပါ ပေ၏။
၉။ ဘုန်းတန်ခိုး ကြီးတော်မူသော အကြောင်းကြောင့်လည်း ‘ဘဂဝါ’ မည်တော်မူပါပေ၏။

တရားဂုဏ်တော်(၆)ပါး
မြတ်စွာဘုရားဟောသော တရားတော်သည်-
၁။ ကောင်းစွာဟောထားသော တရားတော်ပါပေတည်း။
၂။ ကိုယ်တိုင်သိမြင်နိုင်သော တရားတော်ပါပေတည်း။
၃။ အခါမလင့် အကျိုးပေးတတ်သော တရားတော်ပါ့ပေတည်း။
၎။ လာလှည့် ရှုလှည့်ဟု ပြထိုက်သော တရားတော်ပါပေတည်း။
၅။ မိမိ၏ ကိုယ်ထဲစိတ်ထဲ၌ ဆောင် ယူထားထိုက်သော တရားတော်ပါပေတည်း။
၆။ အရိယာ ပညာရှိတို့သာ ကိုယ်စီကိုယ်ငသိနိုင်ခံစားနိုင်သော တရားတော်ပါပေတည်း။

သံဃာ့ဂုဏ်တော်(၉)ပါး

မြတ်စွာဘုရား၏ တပည့်သား ‘သာဝက’ သံဃာတော်သည်-
၁။ ကောင်းသောအကျင့် ရှိပါပေ၏။
၂။ ဖြောင့်မတ်သောအကျင့် ရှိတော်မူပါပေ၏။
၃။ မှန်သောအကျင့် ရှိတော်မူပါပေ၏။
၎။ လျော်ကန်သောအကျင့် ရှိတော်မူပါ ပေ၏။

(အစုံအားဖြင့် လေးစုံ, ပုဂ္ဂိုလ်အားဖြင့် ရှစ်ပါးအရေအတွက်ရှိသော မြတ်စွာဘုရား၏ တပည့်သား ‘သာဝက’ သံဃာတော်သည်)

၅။ အရပ်ဝေးမှ ဆောင်လာ၍သော်လည်း ပေးလှူပူဇော်ရန် ထိုက်တန်တော်မူပါပေ၏။
၆။ ဧည့်သည်တို့အလို့ငှါ စီမံထားသော ဝတ္ထုကိုသော်လည်း ပေးလှူပူဇော်ရန်ထိုက်တန်တော်မူပါပေ၏။
၇။ တမလွန်အတွက် ရည်မျှော်သော အလှူကို ခံတော်မူထိုက်ပါပေ၏။
၈။ လက်အုပ်ချီခြင်းကို ခံတော်မူထိုက်ပါပေ၏။
၉။ သတ္တဝါအပေါင်း၏ ကောင်းမှုပြုစုရန် အမြတ်ဆုံး လယ်မြေဖြစ်တော်မူပါပေ၏။
Powered by Blogger.